Қоракўлда жасади қудуқдан топилган ўсмир видео мурожаат қолдиргани маълум бўлди

254

Иллюстратив сурат

Таълим вазирлиги 31 октябрда Иссиқкўл вилоятининг Қоракўл шаҳрида жасади қудуқдан топилган 13 ёшли ўсмир телефонига видео мурожаат ёздириб қолдирганини билдирди.

Маълумотга кўра, Қоракўл шаҳридаги №3 гимназия мактабининг 7-синфининг ўқувчиси 30 октябрь куни дарсга тўлиқ қатнашиб, соат 17:50 да мактабдан чиққанича уйига қайтиб келмаган. У мактабда яхши ўқийдиган ўқувчилардан бўлган.

«Синф раҳбарига ўқувчининг онаси соат 18:35 да билдирган, ўша вақтдан бошлаб синф раҳбари, ота-оналар, ўқувчилар, мактаб администрацияси гуруҳларга бўлиниб, қидирув ишларини бошлаган ва милиция ходимларига ҳам хабар беришиб, улар ҳам қидирув ишларини олиб боришган. Шу куни соат 22:35 да боланинг жасади топилган», — деб айтилади билдирувда.

Вазирликдан эртаси куни, 31 октябрда боланинг телефони топилганини, унда видео мурожаат ёзилганини қўшимча қилишди. Видеонинг мазмуни тўғрисида маълумот берилмаган.

Бу факт Қоракўл шаҳар ИИБга қайд этилиб, суд-тиббий экспертизаси тайинланган. Ҳозирда суриштирув ишлари давом этмоқда.

27 октябрда Қоракўл шаҳрида 9-синф ўқувчиси электрон тамакидан фойдалангани учун ота-онаси койиганидан сўнг ўз жонига қасд қилган. Унинг ўлими билан боғлиқ суд-тиббий экспертизаси тайинланган ва суриштирув ишлари бошланган.