Жалолободдаги тунги клубда турғунни саккиз марта пичоқлаган киши қўлга олинди

126

Жалолобод шаҳридаги Brosco ресто-барида турғунни саккиз жойидан пичоқлаган киши қўлга олинди. Бу ҳақда «Клооп»га 8 сентябрда вилоят милициясидан билдиришди.

Маълуомтга кўра, шу йилнинг 7 сентябрига ўтар кечаси соат 01:40да Brosco ресто-бари олдида 35 ёшли турғунни ўзига нотаниш 18-20 ёшлардаги йигит саккиз марта пичоқлаб, тан жароҳати етказган.

Гумондор. Сурат: Жалолобод вилоят ИИБ

Жабрланувчи Жалолобод вилоят клиник касалхонасининг жонлантириш бўлимига тушган.

Бу факт бўйича Жалолобод шаҳар ИИБ томонидан «Одам ўлдиришга ҳаракат қилиш» моддаси асосида жиноят иши қўзғалиб, суд-тиббий экспертиза тайинланган.

Тезкор текширув ишлари натижасида гумондор қатори Сузоқ тумани Тошбулоқ қишлоғининг 19 ёшли турғуни қўлга олиниб, вақтинча сақлаш жойига киритилди.

Ҳозирда тергов амаллари бормоқда.

8 сентябрга кўра жабрланувчининг аҳволи ўрта экани маълум қилинди.

Ижтимоий тармоқларда жиноят бўлган дам олиш жойи МХДҚнинг раиси Камчибек Ташиевнинг ўғли Таймурас Ташиевга тегишли экани айтилмоқда.