Чуй вилоят касалхонасига ваниҳоят Эрнст Акрамовнинг номи берилди

121

Чуй вилоят бирлашган касалхонасига профессор Эрнст Акрамовнинг номи берилди. Бу ҳақда «Клооп»га 11 июлда Соғлиқни сақлаш вазирлигининг матбуот хизмати билдирди.

Вазирлик Акрамовнинг жарроҳлик соҳасига қўшган ҳиссасини ва беморларни даволашдаги ўзгача усулларини таъкидлади.

«Унинг тажрибаси ва маҳорати юқори сифатдаги тиббий тажрибаси ва мутахассислигининг намунаси», — деб қўшимча қилишди муассасадан.

Акрамовнинг номини вилоят бирлашган касалхонасига бериш қарорини Қирғизистоннинг таниқли инсонлари хотирасини абадийлаштириш бўйича комиссияси қабул қилди.

Чуй вилоят касалхонасини профессорнинг номи билан аташ ташаббуси олдин ҳам бошланиб, 2022 йилнинг май ойида берилиши керак эди. Вазирлар Маҳкамаси раисининг ўринбосари Эдил Байсалов бу бўйича қарор қабул қилинганини ва расмий ҳужжат бир неча кундан кейин эълон қилинади деб айтган. Бироқ ундан бери бир йил ўтди.

Эрнст Акрамов — Қирғизистондаги таниқли олим, жарроҳ, тиббиёт фанлари доктори ва Қирғизистон қаҳрамони. 1992 йилдан бери Чуй вилоят касалхонасининг умумий жарроҳлик бўлимини бошқарган.

2022 йилнинг мартида ишдан кетгани ҳақида маълум бўлган. Бу қарорни ўша вақтдаги соғлиқни сақлаш вазири Алимкадир Бейшеналиев қабул қилган.

Бейшеналиев Акрамов номини бутун бир касалхонага бериш бу ёқда турсин, бир бўлимга беришга ҳам нолойиқ деган.