Блогер Ирис Жекшеналиевнинг жиноят иши бўйича такроран ҳар томонлама суд-лингвистика экспертизаси тайинланди. Уни Жетим-Тоо кони бўйича эски видеони бўлишгандан кейин қамоққа олишган. Туман суди Жекшеналиевнинг уй қамоғидаги муддатини 25-сентябргача узайтирди.
20 ёшли блогернинг иши бўйича суд мажлиси 13-июнда Бишкекнинг Биринчи май туман судида ўтди. Адвокат Кантемир Турдалиев барча экспертизанинг хулосаси борлигини айтиб, судни қайтадан экспертиза тайинлашига асос йўқлигини таъкидлади.
«Бу ерда комиссия экспертизасига берадиган ҳеч қандай нарса йўқ. Бунгача барча экспертизалар ўтган. Агар улар тўлиқ бўлмаса комиссия экспертизасига берилади. “Бу экспертизанинг бари ўтган, қайтадан беришнинг кераги йўқ” деб айтганмиз. Бунга айбловчи томон ҳам рози бўлган. Шунга қарамай, суднинг бундай қарор чиқаргани тушунарсиз. Бу қарор бўйича шикоят қилишга ҳаққимиз йўқ экан», — деди у.
15-майда Жекшеналиевнинг жиноят иши бўйича суд текширувлари яна бошланган. Судья қарорни экспертизани қайта текшириш кераклигини асослаган, бироқ қайси экспертизалар эканини айтмаган.
20 ёшли блогер Ирис Жекшеналиев 2022 йилнинг 14-августида МХДҚнинг собиқ раиси Абдил Сегизбаевнинг фейсбук саҳифасидаги эски видеосини «Полит Узник» саҳифасига жойлагани учун ИИВга сўроққа чақирилиб, мазкур видеода Сегизбаев Норин вилоятидаги Жетим-Тоо конини ишлатмай, келажакка қолдириш кераклигини айтган.
Жекшеналиевга нисбатан «Оммавий тартибсизликлар» («Ҳукумат вакилларининг қонуний талабларига бўйсунмаслик ва оммавий тартибсизликларга чақириқлар, шу билан бирга фуқароларга зўравонлик қилишга чақириқлар») моддаси билан жиноят иши қўзғалган. Бу иш бўйича давлат айбловчилари уни олти йилга озодликдан маҳрум қилишни сўраган.
Жогорку Кенеш депутатлари ва ҳуқуқ ҳимоячилари судни фаолни озод қилишга, ИИВни унга нисбатан жиноят ишини тўлиқ тўхтатишга чақиришган.
