Ўзбекистонда муддатидан олдин президентлик сайлов эълон қилинди

170

Ўзбекистон Президенти Шавкат Мирзиёев мамлакатда муддатидан олдин президентлик сайлов эълон қилди. Бу ҳақда унинг матбуот котиби Шерзод Асадов 8 майда Фейсбукдаги саҳифасида маълум қилди.

Мирзиёев нега президентлик муддатининг қолган 3,5 йилидан воз кечаётганини тушунтирди.

«Асосий қонунимизга кўра, биринчи навбатда, ҳокимиятнинг барча тармоқлари ислоҳ қилинади, улар ўртасидаги нисбат ва мутаносиблик сезиларли даражада ўзгаради. Иккинчидан, янгиланган Конституцияда Президент, парламент, ҳукумат, вазирлар, ҳокимлар олдига янги вазифалар қўйилди, уларни ечишни кечиктирмаслик керак. Учинчидан, халқ биздан барча соҳа бўйича муҳим ва шошилинч ўзгаришлар кутмоқда», — дея президентнинг сўзларини келтиради Асадов.

Мирзиёев ўзбек халқига ҳам мурожаат қилди.

Мирзиёевнинг айтишича, президентлик муддатидан олдин сайлов эълон қилинишига дунёда ва минтақада яратилган вазият, кескин жараёнлар сабаб бўлган.

Мирзиёев ҳам ўзбек халқига мурожаат қилди.

«Бежизга бизнинг Асосий қонунимизда давлат ҳокимиятининг ягона манбаи халқ деб айтилган эмас. Шу нуқтаи назардан қараганда, халқимизнинг янгиланган давлат ҳокимияти тизимида мандатни фақат халқ ишонч билдирган раҳбарга бериш мақсадга мувофиқ бўлади. Бу бугунги шароитда энг тўғри ва адолатли қарор бўлади, деб ўйлайман», — деди президент.

Бунга қадар Ўзбекистонда Конституцияни ўзгартириш бўйича референдум ўтказилган. Hook.report’нинг маълумотига кўра, референдумга келган дастлабки 84,5 фоиз сайловчиларнинг 90,2 фоизи Конституцияни ўзгартириш учун овоз берган, 9,3 фоизи эса қарши чиққан. Ўзбекистоннинг янгиланган Конституцияси Мирзиёевнинг аввалги ваколатларини бекор қилади ва унга 2040 йилгача ҳокимиятда қолишига имкон беради.