Туркиядаги зилзилалар оқибатида ҳалок бўлган 37 ёшли қирғизистонлик аёлнинг жасади ватанига етказилди. У Жалолобод вилоятига дафн этиш учун қариндошларига топширилди. Бу ҳақда Ташқи ишлар вазирлиги матбуот хизмати хабар берди.
Уларга кўра, марҳумнинг жасади 14 февраль куни Қирғизистонга етказилган. Унинг жасади 11 февраль куни Ҳатай вилоятидаги бино вайроналари остидан чиқарилган.
Туркия ва Суриядаги зилзилалар
6 февраль куни Туркияда иккита кучли зилзила содир бўлди. Зилзила эпицентри мамлакат жануби-шарқидаги Газиантеп шаҳридан 26 км узоқликда, Сурия билан чегара яқинида жойлашган.
Охирги маълумотларга кўра, икки давлатда зилзила қурбонлари сони 37 минг кишига етган. Аммо БМТ зилзила қурбонларининг якуний сони кўпроқ бўлиши мумкинлигидан огоҳлантирмоқда.
Аввалроқ Ташқи ишлар вазирлиги матбуот хизмати Туркиянинг Адана шаҳрида содир бўлган зилзилалар натижасида бир қирғизистонлик аёл жароҳатлангани ҳақида хабар берган эди - у аллақачон шифохонадан чиқарилган.
