Давлат солиқ хизмати Қирғизистон сиёсатчиларининг 2021 йил учун декларацияларини эълон қилди. Бу рўйхатда биринчи ўринда президент Садир Жапаров турибди.
Ҳужжатга кўра, Жапаров 2021 йилда 997 минг сом ишлаб топган, яқин қариндошлари эса ҳужжатга кўра пул ишлаб топишмаган.
Президент декларациясида унинг 0,6 гектар қишлоқ хўжалигига мўлжалланган ер майдони борлиги айтилган - Жапаровнинг бошқа мулки йўқ. Ҳужжатга кўра, президентнинг энг яқин қариндошларининг ягона кўчмас мулки 17,2 кв.м майдонга эга ягона гараждир.
