26-декабрда МХДҚнинг ходимлари Жалолобод вилоятининг Сузоқ туман ИИБнинг жиноий тергов бўлимининг раҳбарини ҳамда унинг қўл остидаги икки ходимни қўлга олди.
Махсус хизматдан улар уюшган жиноий гуруҳнинг вакиллари амалга оширган жиноятни яшириш учун «ваколатини суиистеъмол қилишганини» таъкидлашди.
Маълумотга кўра, 9-декабрда Сузоқ туманининг Ирис қишлоқ ҳудудида «жиноий гуруҳнинг 10га яқин аъзоси» ўқ отувчи ва бошқа қуролларни фойдаланиш билан босқинчилик қилган. Унинг оқибатида бир киши пичоқланиб касалхонага етказилган.
МХДҚдан маҳаллий милиция ходимлари иш бўйича етарлича материаллар борлигига қарамай, жиноятчиларни қўлга олиш бўйича тегишли чораларни кўришмаганини таъкидлашди.
«Милиция ходимлари қўлга олинганларни жиноий жавобгарликка тортмагани учун улардан йирик миқдорда пора олгани аниқланган. Шунингдек, мазкур туман ИИБнинг ходимлари кейин қидирувда юрган жиноятчиларнинг яқинлари билан бир неча бор учрашиб, улар билан шахсий сўзлашувларни олиб бориб, жиноятни яшириш учун талаб қилинган поранинг миқдорини айтишган», — дейишди МХДҚдан.
Махсус хизматнинг маълумотига кўра, айрим гумондор милиция ходимлари қўлга олинган. Улардан изнсиз травматик тўпонча олинган, уни рўйхатдан ўтказмай, ўзлаштириб олишган. Тўпонча Сузоқ туман ИИБнинг тезкор ходимларининг иш кабинетида тинтув вақтида топилган.
9-декабрда МХДҚнинг ходимлари уюшган жиноий гуруҳнинг 5 аъзосини қароқчиликда гумонлаб қўлга олган. Қолгани қидирилмоқда.
24-декабрда шу каби иш бўйича Норин вилоятининг Қўчқор туман милициясининг ходимлари қўлга олинган. МХДҚнинг маълумотига кўра, улар Қамчи Кўлбоевнинг уюшган жиноий гуруҳининг тўрт аъзосига ҳеч қандай чора кўрмаган. Жиноий гуруҳ аъзолари кафенинг эгасини «зўрлаб, кафени ёқиб кетамиз» деб қўрқитиб пул талаб қилган.
ИИВнинг етакчиси Улан Ниязбеков қўлга олиш бўйича изоҳ берар экан, «маҳаллий милиция ходими бандитлар билан дўст, ошна бўлиб олишган» деб айтган.
