Миллий энергохолдинг: Электр энергиясининг истеъмоли энг юқори чўққига етди

261

Бу йил мамлакатда электр энергиясининг истеъмоли энг юқори кўрсаткичга етди. Бу ҳақда 12-декабрда «Миллий энергохолдинг» ишхонасининг етакчиси Талайбек Байгазиев билдирди.

«Ўтган йилги қишда халқимиз бу вақтдаги бир кеча-кундузда 55 млн кВт/соат олган бўлса, бу йил бир кеча-кундузга 70 млн кВт/соатгача етди. Ўтган йилгига қараганда 15 млн кВт/соатга кўп қўлланилмоқда», — деб билдирди Байгазиев.

Шу билан бирга, унинг қўшимча қилишича, кечқурун электр энергияси истеъмолининг энг юқори кўрсаткичи 3300 мегаваттни ташкил этган бўлса, ўтган йили бу вақтда у 3000 дан ошмаган. Бунинг сабабини қишнинг оғир келиши билан изоҳлади.

Шунингдек, етакчи Тўқтўғул ГЭСи нормал тартибда ишлаётганини таъкидлади. Унга кўра, жорий йилда сув омборидаги сув ҳажми 12,1 миллиард куб метрни ташкил этиб, ўтган йилга нисбатан 1,4 миллиард куб метрга кўпдир.

Жорий йилда «Миллий энергетика холдинги» Қирғизистон фуқароларини электр энергиясидан тежамкорлик билан фойдаланишга, юк кўп бўлганда электр энергиясини кўп талаб қиладиган ускуналарни ўчиришга, иситишнинг муқобил усулларидан фойдаланишга чақирди.

Корхона бундай чақириқ билан биринчи йил чиқаётгани йўқ, электр энергиясидан тежамкорлик билан фойдаланиш бўйича йил бошидаёқ илтимос қилган.

Шу пайтгача Қирғизистонда электр қуввати етарсиз бўлиб, 2022 йил охирида ёруғлик вақти-вақти билан ўчирилиши айтилган эди.

Бироқ ҳукумат электр энергияси импорти кўпайганлиги сабабли ҳеч қандай узилишлар бўлмаслигига ишонтирмоқда.