Эрон термасининг футболчилари Қатарда бўлиб ўтаётган футбол бўйича Жаҳон чемпионатида Англияга қарши ўйин олдидан ўз давлатининг мадҳиясини куйлашдан бош тортишди. Улар бу ҳаракати билан икки ойдан бери мамлакатдаги митингларни бостириб келаётган Эрон расмийларидан норозиликларини билдирдилар.
اقدام باارزش و البته قابل انتظار بازیکنان تیم ملی فوتبال ایران؛ سکوت اعتراضی هنگام «سرود جمهوری اسلامی»
بیش باد!#مهسا_امینی pic.twitter.com/jfDQxmLEv7— morteza kazemian (@morkazemian) November 21, 2022
Стадионда эронлик мухлислар ҳам ўз норозиликларини билдиришди: улар давлат мадҳияси янграганда ҳуштакбозлик қилиб, «Аёл. Яшаш.Озодлик» деган ёзуви туширилган футболкаларда ёки худди шундай ёзувли плакат кўтариб келишди.
Iran fans with a message before their World Cup opener: pic.twitter.com/icJ8E250wN
— B/R Football (@brfootball) November 21, 2022
The Athletic нашрининг хабар беришича, Эрон давлат телевидениеси миллий терма жамоанинг давлат мадҳиясини куйлашдан бош тортганини кўрсатмаган, аксинча, стадионни умумий кадрда кўрсатган.
Учрашувнинг ўзида Эрон терма жамоаси Англияга 2:6 ҳисобида имкониятни бой берди.
Эронда норозилик намойишлари 16 сентябрда, 22 ёшли Маҳси Амина ўлимидан сўнг бошланган. Ўшанда виждон полицияси қизни «нотўғри» ҳижоб кийгани учун ҳибсга олган. Шундан сўнг полиция қизни «тарбиявий суҳбат» ўтказиш учун полиция бўлимига олиб борган, бироқ орадан икки соат ўтиб, қиз касалхонага ётқизилиб, кўп ўтмай вафот этган. Бу воқеадан кейин эронликлар полиция зўравонлигига ва аёлларни сайлов ҳуқуқидан маҳрум этаётган Эроннинг сиёсий режимига қарши норозилик билдира бошлаган.
Эронлик қизлар ва аёллар норозилигини билдириб, ҳижоб кийишдан бош тортиб, уни ёқиш (бунинг учун улар озодликдан маҳрум бўлиши мумкин) ва сочларини кесишмоқда.
Ҳуқуқ ҳимоячиларининг 19 ноябрь ҳолатига кўра маълум қилишича, хавфсизлик кучларининг ҳаракатлари натижасида 378 киши ҳалок бўлган.
Ноябрнинг ўрталарида Ислом инқилобий суди давлат муассасасига ўт қўйишда айбланган намойишчига нисбатан биринчи ўлим ҳукмини чиқарган. Ҳозиргача Эрон парламентининг 227 нафар аъзоси сўнгги икки ой ичида ҳукуматга қарши намойишлар чоғида ҳибсга олинганларга ўлим жазоси берилишини таклиф қилган.
