Чуй вилоятининг Москва туман суди оқин импровизатор Болот Назаровни от ўғирлаш иши бўйича Бишкекдаги 1-СИЗОга бир ой муддатга қамаб қўйди. Бу ҳақда 9 ноябрь куни маҳбуснинг адвокати Бақит Автандил маълум қилди.
Адвокатнинг айтишича, суд ўз қарорини ноқонуний тарзда қабул қилган.
«Болот Назаровнинг оғир жиноят содир этганликда айбланаётгани сабаб бўлди. Бироқ ҳибсга олиш учун қонуний асослар йўқ эди. Айбловнинг оғирлиги ўз-ўзидан шахсни ҳибсга олиш учун асос бўла олмайди», деб ёзади Автандил.
Адвокатнинг айтишича, Назаров оилада ягона боқувчи ва доимий яшаш жойига эга.
«Бундан ташқари, [от ўғирлангани ҳақида хабар берган] аризачи судга шахсан келиб, судьядан [Назаровни] қамамасликни сўраган, шу сабабдан суд Назаровга нисбатан ҳеч қаерга кетмаслик тилхати асосида қўйиб юбориш эҳтиёт чорасини танлаши кифоя эди», — дея қўшимча қилди у.
Бундан ташқари, адвокат аввалроқ Миллий хавфсизлик давлат қўмитасининг қайсидир бир ходими оқинга нисбатан эҳтиёт чораси кўрилаётган судга келиб, у жабрланувчидан Назаровга нисбатан от ўғирлагани ҳақидаги аризасини қайтариб олмасликни талаб қилганини айтган эди.
«Аризачининг ўзи суд мажлисига келиб, Назаровга ҳеч қандай даъвоси йўқлигини айтди. Бироқ, МХДҚнинг бир ходими суд мажлисига келиб, аризачига таҳдид қилиш орқали уни суд мажлисида иштирок этишдан қайтарди», - деди адвокат.
Temirov Live’нинг суриштирувчи журналистлари билан ҳамкорликда ишлаган Назаровнинг ҳибсга олингани 9 ноябрда маълум бўлган. У талончиликда гумон қилинмоқда. Бу ҳақда Чуй вилояти ички ишлар бош бошқармасининг матбуот хизмати хабар берган.
Матбуот хизматининг маълумотига кўра, 7 ноябрда милицияга Беловодское қишлоғида яшовчи фуқаро ариза билан мурожаат қилган. У Чўн-Ариқ қишлоғида суратга олиш баҳонасида вояга етмаган ўғлининг отини олиб, «ўзига куч ишлатиб, отга миниб, номаълум томонга кетиб қолгани»га нисбатан чора кўришни сўраган”.
Мазкур ҳолат Москва тумани ИИБ да «Ўғирлик» моддаси бўйича қайд этилиб, жиноий иш қўзғатилган.
Ички ишлар бош бошқармасининг хабар беришича, қидирув натижасида Болот Назаров қўлга олинган. У вақтинчалик сақлаш изоляторига жойлаштирилиб, ўғирланган от топилиб, ашёвий далил сифатида олинган.
Шу билан бирга, Назаровнинг Temirov Live каналидаги ҳамкасби, ёзувчи ва публицист Олжобай Шакир 9 ноябрда Фейсбукдаги саҳифасида Назаров уч кун олдин ғойиб бўлганини айтган.
«Ундан уч кундан буён ҳеч қандай хабар йўқ ва биз бу ҳақда жамоатчиликни хабардор қилишга қарор қилдик. Чунки кимдир: «Боке Беловодскда милиция томонидан ушланган», дейди. Бошқаси айтади: «Бокани тўйга таклиф қилишди ва отга миндиришди ... Тата-пата.» Эртаси куни эса бу от ўғирлангани маълум бўлган. Бунинг устига, гўёки уни Болот Назаров ўғирлаган эмиш, деб ёзади у.
Кейинроқ журналист Болот Темиров адвокат Бақитбек Автандил Назаров билан учрашганини айтди.
«Назаровнинг чиндан ҳам «Отга Мингизишган» Болот ҳақиқатан ҳам отни унга совға қилишди деб ўйлаган. Кейин отни ўзи қайтариб берди. Жабрланувчилар аризасини қайтариб олишга рози бўлишди, аммо терговчилар уларни ёзмасликка мажбур қилмоқдалар. Соат 18:00 да суд бўлиб ўтади ва терговчиларнинг кайфиятига кўра, уни икки ойга қамоққа ташлашмоқчи», — деб ёзади журналист.
