11-октябрь куни Бишкекда Қирғизистон билан Озарбайжоннинг президентлари Садир Жапаров ва Илхам Алиев дўстлик сайлгоҳини очишди. Бу ҳақда давлат раҳбари администрациясининг матбуот хизматидан хабар қилишди.
Қирғизистоннинг давлат раҳбари бу сайлгоҳ қирғиз-озарбайжон алоқасидаги «мустаҳкам дўстликнинг ва қардошликнинг» рамзи бўлиб қолишини таъкидлади.
Жапаров шунингдек, Алиев туфайли 2022-йили Озарбайжон билан ҳамкорлик янги даражага чиққанини билдирди. Унинг айтишича, дўстлик сайлгоҳи Озарбайжон томоннинг ҳамкорликдаги ҳаракати билан қурилган.
Ўз навбатида Алиев паркнинг рамзини таъкидлаб, озарбайжон элининг номидан миннатдорлик билдирди.
«Бугун қирғиз тупроғида бу қардошлик сўзда эмас, амалда эканини яна бир бор кўриб турибман», — деди Алиев.
Озарбайжоннинг президенти Қирғизистонга 11-октябрда давлат сафари билан келган.
Қирғизистон президентининг матбуот хизматидан Жапаров билан Алиев икки томонлама сўзлашувларни ўтказиб, Давлатлараро кенгашнинг биринчи йиғинига қатнашишини билдиришган.
