19 ёшдаги блогер Ирис Жекшеналиев тиббий кўрикдан ўтиш учун конвой ҳамкорлигида ТИЗО-1дан касалхонага етказилди. Бу маълумотни «Клооп»нинг мухбирига Жазони ижро қилиш хизматидан (ЖИХ) тасдиқлашди.
Блогернинг яқинлари 24.kg нашрига Жекшеналиев юраги оғриётгани сабаб касалхонага олиб келинди деб билдиришди.
«Ирис юраги, боши ва бели оғриётгани сабаб тиббий кўрикка конвой билан олиб келинди. Биз бунгача унинг соғлиғи ёмонлашиб кетганини айтганмиз. Биз уни касалхонага ўтказишни талаб қиламиз», — деб айтди яқинларидан бири.
Фаолнинг қўлга олиниши
19 ёшдаги Ирис Жекшеналиев 14-августда МХДҚнинг собиқ етакчиси Абдил Сегизбаевнинг Норин вилоятидаги Жетим-Тоо кони бўйича айтган эски видеосини эълон қилгани учун ИИВга сўроққа чақирилган.
Жекшеналиевга нисбатан «Оммавий тартибсизликлар» («Ҳокимият вакилларининг қонуний талабларига фаол бўйсунмаслик ва оммавий тартибсизликлар, шунингдек, фуқароларга нисбатан зўравонликка чақириш») моддаси бўйича жиноят иши қўзғатилган.
16-августда Бишкекнинг Биринчи май туман судининг қарори билан блогер ТИЗО-1га икки ойга қамоққа олинган.
Жогорку Кенешнинг депутати Дастан Бекешев фаол Ирис Жекшеналиевнинг постида ҳукуматнинг қонуний талабларига бўйсунмаслик чақириқлари ва оммавий тартибсизлик йўқ деб таъкидлаган.
Бекешев 20-августда қўлга олинган блогернинг яқинлари билан учрашганини айтган. Депутат ҳуқуқ ҳимоячилари ёш болага террорчидек муомала қилмоқда деб атган. Депутатнинг айтишича, фаолнинг уйида тинтув ўтказилиб онасининг ноутбуги ва сим-картаси олинган.
