СССРнинг биринчи президенти Михаил Горбачёв 30-августда, 91 ёшда вафот этди. Бу ҳақда Россиянинг давлат ТАСС нашри Москванинг Марказий клиник касалхонасига таяниб ёзди.
Касалхонадан Горбачёв «узоқ давом этган оғир касалликдан кейин» дунёни тарк этганини айтишди.
Михаил Горбачёв 1931-йили 2-мартда туғилган. У Ломоносов номидаги Москва давлат университетининг юридика факультетини тугатган.
1952-йили Советлар Союзининг Коммунистик партиясига (ССКП, КПСС) аъзо бўлиб, 1971-йилдан бошлаб партиянинг Марказий комитетининг (МК) аъзоси бўлган.
1985-йили Горбачёв ССКПнинг МКнинг бош котибиятига сайланган. У шунингдек СССРнинг биринчи ва охирги президенти қатори ҳам маълум.
Бу хизматга у 1991-йилнинг мартида сайланиб, декабрь ойида ўзини ваколатлардан ажратган.
26-декабрда Республикаларнинг Кенгаши СССРни тарқатиб, Мустақил давлатларнинг ҳамдўстлигини тузиш бўйича декларацияни қабул қилган.
Президентлик хизматидан кетганидан кейин Горбачёв жамоат ишлари ва адабий ижод билан шуғулланган.
