Қоракўлни турғунининг турмуш ўртоғи калтаклаб, ўлдираман деб қўрқитган. Бу ҳақда Инстаграм саҳифасида ҳуқуқ ҳимоячиси Камиль Рузиев билдирди.
У зўравонликдан жабрланган 25 ёшдаги келин ёрдам сўраб «Вентус» жамоатчилик иттифоқига мурожаат қилганини ёзди.
«Жабрланувчига Истанбул протоколи бўйича тиббий кўрикдан ўтишга, жиноят ишини қўзғатиб текширишга, уни жабрланувчи қатори топишга ёрдам бердик. Эри турмуш ўртоғини маст аҳволда тўрт марта калтаклаганини тан олди. Айблов акти Қоракўлнинг прокурорида», — деб хабар қилди Рузиев.
Иссиқкўл вилоят ИИБдан эса «Клооп»нинг мухбирига жабрланган келин милицияга 15-августда ариза ёзганини билдиришди. Факт рўйхатга олиниб, экспертиза тайинланиб, унинг натижаси билан «Соғлиққа енгил зарар етказиш» моддаси бўйича жиноят иши қўзғалган.
Вилоят милициясининг маълумотига кўра, жиноят иши 29-августда Қоракўл шаҳар судининг ҳукмига жўнатилган.
Қирғизистонда аёлларнинг ўлдирилиши
Қирғизистонда аёлларни аксарият эркаклар ўлдиради — ўртача ҳисоб билан у ўн жиноятнинг саккизини ташкил қилади. Аёлларни кўп ҳолларда эрлари, жинсий ҳамкорлари, бирга яшаган одамлари ўлдиради — бу фемицид деб аталади.
Қирғизистонда фемицид тўғридан-тўғри оилавий зўравонликнинг оқибати экани аниқланган. Оиладаги тажовузкорлар аёлларни калтаклаб, жазосиз қолади. Аёлларни хўрлаш бари зўравонлик, кўпинча аёлнинг, ноёб ҳолларда эркакнинг ўлими билан тугамагунча узоқ йилларга давом этавериши мумкин.
Одатда аёл кишининг эркак киши тарафидан ўлдирилиши фемицид деб аталади. Бундай қадамга эркаклар аёллардан нафратланганидан, гендер тазйиқнинг натижасида ҳамда /ёки давлат гендер зўравонликни билиб туриб кўз юмган ҳолатларда боришади.
Аёлларнинг тинчлиги ва хавфсизлиги бўйича 2021-йилга кўра глобал индекснинг (WPS Index) рейтингига кўра, Қирғизистон Марказий Осиёдаги аёллар учун энг хавфли давлат деб топилган. Мазкур индексда Қирғизистон аёлларнинг вазияти баҳоланган 170 давлатнинг ичидан 97-ўринни эгаллаган.
