Ўш вилоятининг Қорасув туманида 10 ёшдаги қиз каналга оқиб кетди. Бу ҳақда ФҲВнинг ахборот хизмати билдирди.
Маълумотга кўра, воқеа 25-июль куни Ақ-Терек қишлоғида бўлган Унда 10 ёшдаги қиз Ўттизадир каналига тушаётганда сувнинг оқими қаттиқ келиб, уни оқизиб кетган.
Воқеа жойида қидирув ишларини олиб боришга Қорасув туман Фавқулодда ҳолатлар бўлимидан 22 қутқарувчи, ИИВдан 10 ходим, маҳаллий турғунлардан 30 киши жалб қилинган.
Ҳозирда қидирув ишлари давом этмоқда.
Аввалроқ айни Қорасув туманининг 41 ёшдаги турғуни уйининг ёнидаги каналга оқиб кетган.
Аёл унинг ёнидаги Яккалиб каналидан сув олаётган вақтда қаттиқ келган сувнинг оқими уни оқизиб кетган.
Марҳумнинг жасадини милиция ходимлари каналдан чиқариб, яқинларига ўтказиб беришган.
