Видео: Президент амалдорларни «тонналаган қоғоз» учун танқид қилиб, планшет қўлланишга чақирди

273

Президент Садир Жапаров бугунги кунгача электрон ҳужжат айланишига ўтмай, «қоғозни тонналаб» ишлатаётган амалдорларни танқид қилди. Бу ҳақда у 14-июлда Вазирлар маҳкамасининг йиғинида айтди.

Президентнинг айтишича, бунга қадар ҳукумат ведомстволарга 1-июлдан тортиб қоғоз сотиб беришни тўхтатишини эслатган. Давлат раҳбари «афсуски вазирликлар, агентликлар бугунги кунгача электрон ҳужжат айланишига ўта олмаётганини» таъкидлади.

«Компьютерга, планшетга ўтайлик деяпмиз. […] Мана ҳар биринларнинг олдингизда тонналаган қоғозлар ётибди. Ручка, ён дафтарчаларни ишлатасизлар. Мана менинг олдимда ҳеч анрса йўқ. Бирорта ҳам ручка, қоғоз қўлланмайман. Бунинг [планшетнинг] ичига бари сиғади. Шунинг учун компьютерга ўтинглар», — деб мурожаат қилди Жапаров.

Аввалроқ вазирлар маҳкамасининг етакчиси Ақилбек Жапаров давлат идораларига ведомстволар аро ва ички хизмат хат алмашувларини 11-майдан бошлаб электрон ҳужжат айланиш тизими орқали амалга оширишни топширган. Январнинг бошида у барча давлат идоралари тўлиғи билан электрон ҳужжат айланишига ўтишини билдирган эди.

Давлат идораларида электрон ҳужжат айланишига ўтиш ишини тезлатишни ўтган йилнинг охирида президент Садир Жапаров ҳам топширган.

«1-июлдан бошлаб сизларга қоғоз сотиб беришни тўхтатамиз. Шунинг учун июлнинг биридан бошлаб электрон ҳужжатга, электрон имзо қўйишга ўтишимиз керак», — деб огоҳлантирган президент.