Вазирлар маҳкамасининг етакчиси Ақилбек Жапаров Соғлиқни сақлаш вазирлигига қарашли Миллий фтизиатрия марказининг директори Мадамин Каратаевни эгаллаган хизматидан бўшатди.
Мадамин Каратаев — тиббиёт фанларининг доктори, профессор. У 2018-йили соғлиқни сақлаш вазирининг ўринбосари бўлиб ишлаган.
2021-йили апрель ойининг охирида вазирнинг ўринбосари хизматидан бўшатилиб, Миллий фтизиатрия марказининг директори этиб тайинланган.
![](https://uz.kloop.asia/wp-content/uploads/sites/9/2022/06/madamin-karataev.jpg)
Аввалроқ соғлиқни сақлаш вазири Алимқадир Бейшеналиев президент Садир Жапаровга муассасанинг беш ходимини ишдан бўшатишни тавсия қилган.
Вазир ўзининг уч ўринбосарини — Жалаладин Рахматуллаевни, Улук-Бек Бектургановни ҳамда Жапаркул Ташиевни хизматдан олишни кўзлаган. Улар вазирлар маҳкамасининг етакчиси Ақилбек Жапаровнинг буйруғи билан 4-июнда эгаллаган хизматидан бўшатилди.
Улардан ташқари ишдан олинувчи ходимдарнинг рўйхатида Миллий фтизиатрия марказининг директори Мадамин Каратаев билан Дори-дармон ва тиббий техника департаментининг директори Нурдин Кагаздиев ҳам бор эди.
Алимқадир Бейшеналиев эса 2-июнь куни Бош прокуратура тарафидан «коррупцияда гумонланиб» қўлга олинган. Унга етти модда билан жиноят иши қўзғалгани маълум бўлиб, МХДҚнинг ТИЗОсига қамоққа киргизилган.
4-июнда президент Садир Жапаров Бейшеналиевнинг иши бўйича комиссия тузганини айтган. Тергов вақтида Бейшеналиев ҳам, бош прокурор Қурманқул Зулушев ҳам эгаллаган хизматидан вақтинча бўшатилгани маълум бўлган.