«Болалар ҳуқуқини ҳимоя қилиш лигаси» жамоат фонди пойтахтнинг Ала-Тоо участкасида хусусий бола боғчанинг тарбиячиси беш яшар болани бошига урганини билдирди. Бу ҳақда фонд Фейсбук саҳифасида билдирди.
Ҳуқуқ ҳимоячиларига мурожаат қилган боланинг онасини айтишича, тарбиячи бола боғчасининг етакчиси бўлади. боланинг бошига урибгина қолмай, қулоғига шовқин қилиб, ҳожатхонага ҳам қамашган.
«Боланинг асаб тизими жабрланибди, тўхтамай йиғлаяпти. Бола боғчанинг номи йўқ, Ала-Тоо участкасида жойлашган. Бишкек мерияси тартибсиз жойлашган болалар боғчаларини назорат қилиши керак. У болани ўларча калтаклаши ҳам мумкин эди», — деб билдиришди ҳуқуқ ҳимоячилари, милицияга ариза ёзилганини қўшимча қилиб.
Октябрь ТИИБи калтакланган боланинг онаси милицияга мурожаат қилганини тасдиқлади. Милициянинг маълумотига кўра, бола калтаклангани ҳақида маълумот 3 мартда, №3 болалар касалхонасидан билдирув тушганда маълум бўлган.
Боланинг онаси аризасида тарбиячи ўғлини нима сабабдан калтаклаганини билмаслигини айтган. Воқеа ТИИБнинг маълумотларни рўйхатга олиш журналига киритилиб, текширув бошланди.
Милиция экспертиза ҳам тайинлаган, унинг натижасида тарбиячининг ҳаракатларига юридик баҳо берилади. Иш бўйича текширув бормоқда.
Бу орада таълим вазирлиги бу бола боғчага лицензия берилмаганини маълум қилишди. Вазирликдан ота-оналар болаларини хусусий боғчага беришда ҳужжатлар билан танишиб, икки томонлама шартнома тузиш кераклигини ҳам қўшимча қилишди.
«Вазирлик давлат органлари билан биргаликда республикадаги хусусий боғчаларга лицензия талабларини бажарилиши ва болаларнинг хавфсизлиги бўйича мониторинг олиб боришни режалаштирмоқда», — деб билдиришди муассасадан.
