«Бутун Қирғизистон» партиясининг сиёсий кенгаши 18-ноябрда президент Садир Жапаров партия лидери Адахан Мадумаров ҳақида асоссиз сўз айтди деб қирғизистонликларга мурожаат қилди.
Партиядан президентнинг сўзлари «асоссиз, камситувчи, ёлғон ва қораловчи» сифатга эга эканини билдиришди. Сиёсий кенгаш Жапаров Мадумаровни «жиноятчи, сотқин» деб атаганидан норози.
Бир кун олдин Садир Жапаров «Вечерний Бишкек» нашрига интервью бериб, Қирғизистоннинг Баткен вилоятидаги 5 гектар ерни Тожикистондан ижарага олиш бўйича протоколга қўл қўйилганини — «кечирилмас сотқинлик» деб атаган. Бунгача у Мадумаров бу протоколга қўл қўйиш билан Тўрт-Кўча ҳудудини тожик томонга тегишли деб тан олиб, бу ерни уларга 49 йилга ижарага берганини айтган. Унинг айтишича, шу протокол сабаб Душанбе Баткендаги мазкур ҳудудга эгалик қилмоқчи.
«Давлатнинг биринчи одамини билдируви Адахан Мадумаровни Қирғизистон фуқароси қатори, Жогорку Кенеш депутати ва “Бутун Қирғизистон” сиёсий партияси лидери сифатида ҳам ҳуқуқларини қўпол равишда бузмоқда», — деб айтилади сиёсий кенгашнинг мурожаатида.
Шунингдек, партиядагилар президент «агар терговга олмаса яширгани учун ўзлари жавоб беришади» деб ҳуқуқни ҳимоя қилиш органларига «аниқ» топшириқ берди деб ҳисоблашади. Партиянинг сиёсий кенгаши Жапаров бу сўзлари билан ўзини давлат айбловчиси ва судья сифатида ҳам кўрсатди деб таъкидлади.
«Президентнинг бундай билдирувлари ва кўрсатмалари давлатимиз ва халқимизга катта зарар олиб келиб, унинг бутунлиги ва барқарорлигига зарар келтиради», — деб билдиришди партиядагилар.
Бундан ташқари, сиёсий кенгаш Жапаров қирғизистонликларни адаштирмоқда деб қўшимча қилди. Партиядагилар Мадумаровни имзолади деб айблашаётган протокол таклиф қилувчи сифатга эга эканини, шу сабаб Жогорку Кенешнинг ратификациясига юборилмаганини таъкидлашди.
Сиёсий кенгаш протоколнинг нусхасини кўрсатиб, унда «масалани кўриб чиқиш ва қарор қабул қилиш тегишли давлат ва ҳар бир давлат ҳукуматлар аро комиссиялари ва уларнинг таклиф қилинган хизматлари билан ҳар бир давлатнинг ишлаётган қонунларига мувофиқ амалга оширилиши керак» деб ёзилганини кўрсатди.
Партия ҳужжатда ерни тўғридан-тўғри ўтказиб бериш ҳақида кўрсатма йўқлигини таъкидлади.
Аввалроқ Мадумаров бу ҳужжатни имзолаш тўғри қарор бўлганини айтиб, протокол Жогорку Кенеш томонидан маъқулланмаганини ва уни ҳеч қандай юридик кучи йўқлигини таъкидлаган.
Бундан ташқари, депутат Жапаровнинг интервьюсини танқид қилиб, «одамнинг айби бор-йўқлигини суд аниқлайди» деб билдирган.
«Мен бугунги кунгача Садир Жапаровни бош прокурор ёки суд бўлиб қолганини билмабман. У бир вақтда терговчи ҳам бўлибди, барча одамларга топшириқ берибди. Бу менимча жуда катта маданиятсизлик, жуда катта саводсизлик деб ҳисоблаш керак. “Жиноятчилар” деб фақат суд қарор чиқаради», — деган Мадумаров журналистларга 17-январда.
