Миллий хавфсизлик давлат қўмитасининг матбуот хизмати Чуй вилоятининг Кемин туманида қурол-яроғ ва портловчи моддалар сақланган яширин жой топилганини билдирди.
Махсус хизмат тезкор текширув ишлари натижасида номаълум русумдаги тўппонча, найзали милтиқ, Ф-1 қўл гранатаси ва 5,6 × 15,6 мм R русумидаги ўнлаган ўқ-дорилар топилганини таъкидлади.
«Дастлабки маълумотлар бўйича, топилган қурол-яроғ, ўқ-дори ва портловчи моддалар ўзгача оғир жиноятларни амалга ошириш учун тайёрланган», — деб билдирди МХДҚ.
Шунингдек, ўқ-дори сақловчи яширин жойни ташкиллаштирганларни аниқлаш ишлари бораётганини қўшимча қилди.
«Ўқ отувчи қуролларни, ўқ-дориларни, портловчи моддаларни ва портловчи қурилмаларни ҳуқуқ органларига ўз ихтиёри билан топширган одамлар жиноий жавобгарликка топширилади», — деб огоҳлантирди МХДҚ.
Ўтган йилнинг ноябрь ойида Жалолобод вилоятининг Ахси туманида маҳаллий турғуннинг уйидан қурол-яроғ, ўқ-дорилар топилган. Бундан ташқари, гумондорнинг уйидан кам учровчи жониворлар: айиқ, силовсин ва суғурларнинг териси топилган.
Гумондорга нисбатан «ўқ отувчи қуролларни, ўқ-дориларни ноқонуний айлантириш» моддаси билан судгача текширув иши бошланган.
