Сўзи нотўғри тушунилган. Президент Озарбайжондаги элчига жиддий хайфсан эълон қилди

340

Давлат раҳбарининг маъмурияти президент Қирғизистоннинг Озарбайжондаги элчиси Қайрат Осмоналиевга айтмаган гаплари учун жиддий хайфсан эълон қилди. Нима бўлганини тушунтирамиз.

«Спутник Азербайжан» нашрининг мақоласи

21-декабрда «Спутник Азербайжан» нашрида Қирғизистоннинг элчиси Кайрат Осмоналиевнинг баёнотини ўз ичига олган мақоласи эълон қилинган. У мазкур нашрда матбуот анжумани ўтказган.

Осмоналиев Қирғизистон Жанубий Кавказ ва Марказий Осиёнинг ўртасида алоқа платформасини тузиш ташаббусини кўтариб чиққанини айтган. Осмоналиевнинг айтишича, бу ҳақда қирғиз ТИВнинг етакчиси Руслан Казакбаев Озарбайжоннинг пойтахти Баку шаҳрига бўлган иш сафарида бу ғоя билан ҳамфикр эканини билдирган.

Қирғизистон элчилиги бу ташаббусни муҳокама қилиш учун турли давлат экспертларининг иштирокида матбуот анжумани ўтказишни истаган. Экспертлар биргина Марказий Осиё ҳамда Жанубий Кавказда эмас, Россия, Хитой, Эрон ҳамда Туркия каби давлатлардан келиши тахмин қилинган.

Бундан ташқари, «Спутник Азербайжан» Осмоналиев платформа ҳақида айтаётган жойидан видео парчани ҳам чиқарган.

Нима учун унга хайфсан эълон қилинди?

Президент маъмуриятининг маълумотига кўра, Кайрат Осмоналиев айрим ОАВлар унинг иқтибосларини қўлланиб, «Қирғизистон Ўрта Осиё ва Кавказ давлатларида Россиядан алоҳида учрашишни таклиф қилди» деган аталиш билан материал эълон қилгани учун хайфсан олган.

Осмоналиевнинг сўзларига кўра, платформа Жанубий Кавказ ва Марказий Осиё ўртасида сиёсий-дипломатик, иқтисодий ва маданий-гуманитар ҳамкорлик бўйича ўзаро ҳаракатини назарда тутади. У ерда чиндан ҳам Россия ҳақида гап бўлмаган — акс ҳолда у Жанубий Кавказ, Марказий Осиё ва Россия ўртасидаги ўзаро ҳамкорлик платформаси бўлиб қолар эди. Бироқ платформа ҳали ишга туширилмаган, буни муҳокама қилиш учун эса унга аъзо давлатларнинг ҳам, ҳамкор давлатларнинг орасида ҳам мутахассисларни жалб қилиш таклиф қилинган. Бу борада уларнинг ҳам фикри ҳисобга олинади.

Президентнинг маъмурияти Осмоналиевнинг «Қирғизистон Ўрта Осиё ва Кавказ давлатларига Россиядан алоҳида учрашувни таклиф қилди» деган номланишда эълон қилинган матбуот анжумани провакцион характерга эга деб ҳисоблайди. Президентнинг маъмурияти элчининг интервьюсида бундай формула тўғрисида бирор гап бўлмаган деб таъкидлади — аслида, «Спутник Азербайжан»нинг мақоласида ҳам, унинг видеосида ҳам бундай формула бўлмаган.

Аммо шунга қарамай президент Садир Жапаров элчига жиддий хайфсан эълон қилди.