Жалолобод вилоятининг Сузоқ туманида 15 ёшдаги ўқувчи қизни тош юкланган «КамАЗ» босиб кетиши натижасида қиз ҳалок бўлди. Бу ҳақда «Клооп»га вилоят ЙҲХХБнинг матбуот хизмати билдирди.
Авария 31-октябрда таҳминан соат 17:40да Жиғач-Қўрғон қишлоғининг Чойбек Палван кўчасида юз берган. Октябрь қишлоғининг турғуни тош юкланган «КамАЗ-5511» русумидаги юк ташувчи машинасини бошқара олмай, транспорт йўлнинг ўнг тарафига оғдарилиб кетган.
Унинг оқибатида йўл четида бораётган ўқувчи юк ташувчи машинанинг остида қолган. Қиз ҳудуддаги №25 Тажибаев мактабида 10-синфда ўқиган.
Мазкур факт бўйича «Йўл ҳалокати» моддаси билан судгача тергов очилди. Милициядан «КамАЗ»нинг ҳайдовчиси сўроқ бераётганини таъкидлашди.
