Бозорқўрғонлик тадбиркордан пул таъма қилган жиноий гуруҳнинг аъзоси қўлга олинди

336
Иллюстратив сурат

Жалолобод вилоятининг Бозорқўрғон туманида хусусий тадбиркордан пул ва қимматбаҳо нарсаларни талаб қилган уюшган жиноий гуруҳнинг аъзоси қўлга олинди. Бу ҳақда миллий хавфсизлик давлат қўмитасининг матбуот хизмати 8-октябрда билдирди.

Маълумотга кўра, «Малик» лақаби билан танилган УЖГнинг аъзоси Бозор-қўрғондаги хусусий тадбиркорни «зўравонлик» билан қўрқитиб, 80 минг сом, тилла буюмлари ва уяли телефон талаб қилган. Махсус хизматнинг ва Бозор-қўрғон ТИИБнинг ходимлари «Малик»ни жиноят устида ушлашган.

Милиция ходимлари мазкур факт бўйича «қўрқитиб пул талаб қилиш» моддаси билан судгача текширув бошлади. Гумондор Бозор-қўрғон ТИИБининг вақтинча сақлаш жойига киритилди.

Бир ҳафта олдин 1-октябрда, Бозорқўрғон туман милицияси «Баха бозорқўрғонлик» лақаби билан танилган уюшган жиноий гуруҳнинг аъзосини «фирибгарликда» гумон қилиб қўлга олган. Куч органлари у 2010-йилдан бошлаб «қонундаги ўғри» Камчи Кўлбаевнинг жиноий гуруҳининг фаол аъзоси қатори рўйхатда туришини билдиришган.