Президент парламентга Жиноят ва Ҳуқуқбузарликлар кодексларининг лойиҳасини ортга қайтарди

366

Президент Садир Жапаров янги жиноят кодекси билан ҳуқуқ бузарликлар ҳақидаги кодекснинг лойиҳасига қарши фикр билдириб, Жогорку Кенешга қайтариб берди. Бу ҳақда 21-сентябрда парламентнинг ҳуқуқ тартиби, жиноятчилик ва коррупцияга қарши курашиш қўмитасининг йиғинида депутат Наталья Никитенко билдирди.

Бундан ташқари, Никитенконинг айтишича, президентнинг «Жиноят процессуал кодексини, ҳуқуқбузарликлар ҳақидаги кодексини ишга тушириш ва айрим қонун актларига ўзгартириш киритиш ҳақидаги» қонун лойиҳасига ҳам қарши фикри бор. Бу кодексларни бош прокуратура таклиф қилган. Йиғинда назорат органининг бошчиси Курманкул Зулушев президентнинг қарши фикрига қўшилишини таъкидлаб, халқ вакилларидан буни қўллаб беришни сўради.

Ўз навбатида депутат Мирлан Жээнчороев президент Кодексларнинг айрим меъёрларини қайта кўриб чиқишни таклиф қилаётганини айтиб, шу сабаб Кодексларнинг келишилган вариантини ишлаб чиқиш учун келишув комиссиясини тузиш кераклигини айтди. Натижада депутатлар президентнинг қарши фикрини қўллашди.

Янги кодекслар

Парламентнинг депутатлари 22-июлда учинчи ўқишда янги жиноят кодексини ва жиноят процессуал кодексини қабул қилиб, президентга имзолаш учун юборишган.

Янги кодексларни қабул қилишни бош прокурор Курманкул Зулушев таклиф қилган. У янги жиноят ва жиноят процессуал кодекслари билан Қирғиз Республикасининг бошқарув тартибига қарши ҳуқуқ бузишлар ҳақидаги кодекс лойиҳасини 30-июнда биринчи ўқишга олиб чиқди.

Зулушев кодексларнинг масалалари муҳокама қилинган бир неча йиғин ўтказганини, натижада кодексларни тўлиқ ўзгартириб, 2019-йилгача қўлланилган кодексларга қайтиш қарори чиқарилганини айтган. Шу асосида 2021-йилнинг апрелида кодексларнинг янги таҳририни ишлаб чиқиш учун экспертлар гуруҳи тузилган.

Бироқ юристлар билан ҳуқуқ ҳимоячилари кодексларнинг янги лойиҳаларини бир неча марта танқид қилиб, янги таҳрири ёпиқ эшик ортида ёзилганини ва кўп ҳолларда коррупция, босим, қийноқ ва қонунбузарликлар учун кўп йиллик 1997-йилнинг кодексларига ўхшашлигини таъкидлашган.

Улар президент Садир Жапаров билан парламентнинг олтинчи чақирилишига мурожаат қилиб, кодексларнинг реформасини тўхтатиб туришни сўрашган — сабаби уларнинг фикрича, реформа президентнинг мурожаати билан топшириқларига қарши бўлади.