«Русофобия йўқ». ТИВ етакчиси россиялик ҳамкасбларига жавоб берди

344

Ташқи ишлар вазири Руслан Казакбаев россиялик касбдоши Сергей Лавров билан телефон орқали суҳбатлашди. Ташқи сиёсий муассасанинг бошчилари MagicCity болалар ўйин марказида рус тилида хизмат қилган ходимларга қўл кўтарган воқеани муҳокама қилишди.

Лавров нима деди?

Россиянинг ТИВнинг маълумотига қараганда, Лавров билан Казакбаевнинг телефондаги суҳбати рус томоннинг ташаббуси билан амалга оширилган.

Россиянинг ТИВ раҳбари Қирғизистон ҳукумати ўлкадаги русий забон аҳолининг ҳуқуқлари билан обрўcига путур етказувчи кўринишларни олдини олиш учун уларга нисбатан турмушдаги миллатчилик воқеаларига «имкони борича тез» реакция қилишга чақирган.

«Казакбаев ўлка ҳукумати миллатчиликнинг қайси ҳолати бўлмасин кескин нуқта қўйилишига ва Қирғизистоннинг рус тилли аҳолиси маънавий ва ижтимоий эҳтиёжларини тўлиқ қондириши учун рус тилининг мақомини ҳимоя қилиш бўйича курс давом этишига ишонтирди», — деб айтилади рус ТИВнинг билдирувида.

Казакбаев нима деди?

Қирғизистоннинг ТИВ бошчиси қўл кўтариш факти ЖУРга рўйхатга олиниб, «Бебошлик» моддаси билан жиноий иш қўзғалганини, гумонланувчи эса ТИЗОга киритилганини билдирди.

Лавров қирғиз томон миллатчиликка асосланган агрессиянинг барча ҳолатларини айблашини таъкидлади.

«[Казакбаев] турмушдаги воқеалар Россияда ҳам бўлаётганига эътибор қаратиб, кундалик ҳаётдаги миллатчиликнинг айрим ҳолатлари рус ҳукумати томонидан Қирғизистондаги этник русларнинг ҳуқуқлари ва манфаатларини тизимли тарзда бузилиши ва фуқароларни этник ва диний асосдаги босим қатори қабул қилинмаслиги кераклигини таъкидлади», — деб айтилади ТИВнинг билдирувида.

Казакбаев «Қирғизистонда русофобия ва бошқа агрессив миллатчиликнинг йўқлигини, тарихни қайта ёзиш, ёдгорликлар ва рус тили билан курашиш фактлари йўқлигини» таъкидлади. У рус тили Конституция бўйича — Қирғизистонда расмий тил эканини ва кундалик ҳаётнинг барча тармоқларида фойдаланилишини қўшимча қилди.

Вазир россиялик ҳамкасбини Қирғизистонда рус тилининг мақомини ҳимоя қилиш бўйича курс давом этади деб ишонтирди.

MagicCity ўйин марказининг ходимига ҳужум

MagicCity болалар ўйин марказида ишлаган қизга бўлган ҳужум воқеаси августнинг бошида бўлган. Унда ижтимоий тармоқларда маст ҳолдаги киши марказнинг ходимига ҳужум қилган видео пайдо бўлган.

Кўнгил очар марказнинг маъмури Тимур Жунусовнинг айтишича, қизга куч ишлатган кишига ходим унга рус тилида хизмат қилгани ёқмаган.

Кейин милиция мазкур факт Октябрь туман ИИБнинг ЖУРга «Бебошлик» моддаси билан рўйхатга олиниб, судгача текширув бошланганини маълум қилган. Суд-тиббий экспертиза ҳам тайинланган. Бироқ жабрланувчи «соғлиғига жиддий зарар келтирмаганини айтиб тиббий текширувдан бош тортган».

Шунингдек, суд-лингвистик экспертиза ҳам тайинланди. Бунинг натижаси билан жиноий ишни қайтадан квалификациялаш масаласи қаралади.

Хизмат кўрсатган қизга ҳужум қилиш факти жамиятда резонанс яратган. Шу сабаб Россиянинг бир қанча сиёсатчилари фикр билдириб, Қирғизистон билан савдо-иқтисодий алоқани узишга чақиришган.

Бироқ экспертлар, сиёсатчилар Россиянинг парламент сайлови яқинлашиб қолгани учун шундай билдирувлар қилиниб, публикага ишлашмоқда деб ҳисоблашади.

Кейин MagicCity’нинг ходимига қўл кўтарган Али Алимбаевга Россияга 10 йилга кириш тақиқлангани маълум бўлди.