Тожикистон ҳарбийларининг қуролли агрессиясидан жабрланган Баткен вилоятининг лайлак туманидаги турар-жойларни қайта тиклаш ишларини мониторинг қилган ҳуқуқ ҳимоячиси Гулгаки Мамасалиевани 15 июнда тожик ҳарбийлари ушлаб кетиб, қайта қўйиб юборишди.
Мамасалиева ўзи фейсбук саҳифасида воқеани батафсил тушунтириб, аниқланмаган кўча билан кетаётиб, Тожикистоннинг чегара постига келиб тўхтаб қолганда ушланганини айтди.
«Мен Тожикистон ҳудудига кирмаганман. Аниқланмаган кўча билан машинани миниб кетаётиб, Тожикистон постига келиб қолганимда машинадан тушганман. Ўша ердан чиқиб, мени ушлаб, тожик ҳудудига олиб кириб кетишди. Мендан хавотир бўлманглар, бироқ чегара муаммосини ҳал қилиш керак», — деган Мамасалиева.
Министрлар кабинетининг Баткен вилоятидаги вакиллигининг матбуот хизмати тожик ҳарбийлари Мамасалиевага тушунтириш ишларини олиб боришгандан кейин қўйиб юборишганини билдиришди.
Мамасалиева бошчилигидаги кўнгиллилар гуруҳи май ойининг бошида Баткен вилоятининг чегарадаги ҳужумдан жабрланган ҳудудларини айланиб, жабрланганлар рўйхатини ва уларнинг эҳтиёжларининг картасини тузишган. Бундан ташқари фаоллар янги уйларнинг қурилиш лойиҳаси халққа очиқланмаганини ва қурилиш ишлари кечикаётганини айтишган.
