Қирғизистонда охирги суткада коронавирус юқтирган етти бемор вафот этди

184

8-июнда коронавируснинг янги 379 ҳолати аниқланди. Унинг орасида лаборатория тасдиқлагани — 336, клиника-эпидемиология тасдиқлагани — 43. Бу ҳақда республика штабдан маълум қилишди.

Ҳудудлар бўйича кўрсаткич:

  • Бишкек шаҳрида — 149;
  • Чуй вилоятида — 96;
  • Иссиқкўл вилоятида — 15;
  • Ўш шаҳрида — 50;
  • Ўш вилоятида — 32;
  • Жалолобод вилоятида — 22;
  • Талас вилоятида — 1;
  • Баткен вилоятида — 9;
  • Норин вилоятида — 5.

Қирғизистонда COVID-19га чалинган беморларнинг умумий сони 107 714га етди. 

Бир суткада 311 бемор коронавирусдан соғайиб, уйларига чиқарилди. Бишкек шаҳрида — 153, Чуй вилоятида — 81, Ўш шаҳрида — 15, иссиқкўл вилоятида — 32, Жалолобод вилоятида — 16, Баткен вилоятида — 5, Норин вилоятида — 9 бемор соғайди. 

Бу билан ўлка бўйича 101 033 киши касалликдан соғайди. Касалхоналарда 1 765 бемор даволанмоқда. Уларнинг ичидан 496 киши оғир, 99 бемор ўта оғир аҳволда. Уй шароитида эса 1 914 киши даволаняпти. 

Сўнгги бир суткада ўтказилган ПЧР таҳлилларининг сони — 5 728.

Бундан ташқари, суткада Бишкек шаҳрида етти COVID-19 юқтирган бемор вафот этди. Қирғизитсонда касалликдан 1859 киши ўлди. 

Шунингдек, бир кеча-кундузда 10 тиббиёт ходимида коронавирус аниқлангани хабар қилинди. ўш шаҳрида — олти, Бишкек шаҳрида — икки, Жалолобод ва Баткен вилоятларида — биттадан. Коронавирус юқтирган тиббиёт ходимларининг сони 4 766га етди, улардан 4 638 ходим касалликдан соғайди.