Коронавируснинг 225 янги ҳолати қайд этилди — унинг 117си Бишкекда

259

Республика штаб 20-апрелда ўлкада коронавируснинг 225 янги ҳолати аниқланганини маълум қилди. Касаллик юқтирганлар орасида тўрт тиббиёт ходими бор.

Ҳудудлар бўйича:

  • Бишкек шаҳрида — 117 (икки ходим);
  • Чуй вилоятида — 82 (икки ходим);
  • Иссиқкўл вилоятида — 12;
  • Жалолобод вилоятида — 5;
  • Норин вилоятида — 4;
  • Ўш вилоятида — 4;
  • Талас вилоятида — 1.

Шунингдек ўтган суткада 173 бемор соғайди. Бишкек шаҳрида — 108, Чуй вилоятида — 51, Иссиқкўл вилоятида беш, Ўш шаҳрида ва Норин вилоятида учтадан, Баткен вилоятида икки ва Жалолобод вилоятида бир киши касалликдан соғайди.

Бундан ташқари, COVID-19дан Бишкек шаҳрида ва Чуй вилоятида биттадан бемор вафот этди.

Қирғизистонда COVID-19 инфекциясини юқтирганларнинг умумий сони 92 320га етди — уларнинг орасида 4 360 тиббиёт ходими бор. Касалликдан 87 229 бемор соғайиб, 1 557 киши ўлди.

Бугунги кунда 1 236 бемор касалхоналарда даволанмоқда — уларнинг 49 ўта оғир аҳволда. Бундан ташқари, 1 324 киши уй шароитида даволанмоқда.