Бишкек ва Ўшда кўчма овоз беришда махфийлик сақланмаяпти

173

10 апрелда ўлка бўйича имконияти чекланган одамлар учун маҳаллий кенгашларга сайлов бўлди. Эрта тонгдан бошлаб «Клооп»нинг кузатувчилари турли қонун бузишларни аниқлашмоқда — уларнинг кўпи овоз беришнинг яширинлигини бузилиши.

Масалан, Ўшда №3563 сайлов участкасидаги комиссия аъзолари кўчма урнага яқин туриб, овоз бериш жараёнини кузатишган. Бишкекда эса №1335 сайлов участкасида комиссия аъзолари сайловчиларга овоз беришга ёрдамлашиб, уларнинг ўрнига бюллетенларни урнага ўзлари солишди.

Шундай қонун бузиш Бишкекдаги №1131 сайлов участкасида бўлди — унда уй бошчиси сайловчиларнинг ўрнига бюллетенларни ўзи тўлдирган. Шундай кўриниш №1023 сайлов участкасида ҳам бўлган — бюллетенни сайловчиларнинг ўрнига УСК аъзоси ташлаган.

Бунга кузатувчи огоҳлантириш берганда, комиссия аъзолари буни «сайловчилар ўзлари сайлайдиган ҳолатда бўлмагани учун ҳаммасини тезроқ ўтказиш» мақсадида қилишганини айтишган. Бундан ташқари, №1335 ва №1309 сайлов участкаларида ҳам комиссия аъзолари масофани сақламай урнага яқин туришган.

Қонун бўйича, сайлов комиссиясининг аъзолари масофани сақлаб, урнадан 1,5 метр узоқда туриши керак. Агар сайловчи ўзи мустақил овоз бера олмаса, унда унга УСКнинг аъзолари эмас, бошқа сайловчилар ёрдам берса бўлади.

Ўлкада 10-11 апрелда маҳаллий кенгашларга сайлов бўлмоқда. 28 шаҳар кенгаши ва 796 мандатга 56 партия курашмоқда. Бишкек шаҳар кенгашига 45 мандатга 11 мингга яқин одам номзодини қўйган.