Республика штаби сўнгги бир кун ичида Қирғизистонда коронавирус билан касалланган бир бемор вафот этгани ҳақида хабар берди. Ўлим Бишкекда қайд этилган.
Соғлиқни сақлаш вазирлигининг маълумотларига кўра, пандемия бошлангандан бери мамлакатда коронавирус юқтирган 1401 нафар киши вафот этган.
Бош штаб шунингдек, кун давомида 71 кишида вирус тасдиқланганлигини айтди. Аниқланган янги коронавирус ҳолатлари бўйича Бишкек ва Чуй вилояти ҳали ҳам етакчи ўринни эгаллаб турибди. Талас вилоятида эса охирги суткада COVID-19 инфекциясини юқтирганлар аниқланмаган.
- Бишкек - 33;
- Чуй вилояти - 27;
- Иссиқкўл вилояти - 3;
- Ўш - 2;
- Норин вилояти - 2;
- Ўш вилояти - 2;
- Боткен вилояти - 1;
- Жалолобод вилояти - 1.
Бош штаб маълумотларига кўра, бутун пандемия даврида мамлакатда 83971 коронавирус инфекцияси аниқланган.
Кун давомида 98 нафар бемор тузалиб, шифохоналардан чиқарилди. Шу билан пандемия даврида жами 80 025 нафар бемор тузалиб, касалхоналардан чиқарилган.
Шунингдек, республика штаби 24 январь ҳолатига кўра 661 нафар бемор Қирғизистондаги коронавирус билан касалхоналарда ётганлигини, улардан 28 нафари интенсив терапияда, яна 225 нафарининг аҳволи оғирлигини таъкидлади. Бундан ташқари, яна 952 нафар бемор амбулатория шароитида даволанмоқда.
