10-январда Қирғизистонда муддатсиз президентлик сайлови ва ўлканинг бошқарув формасини танлаш бўйича референдум ўтмоқда. Сайлов участкаларига келган сайловчиларга икки бюллетень берилади — президентни сайлаш учун оқ рангда, референдумга овоз бериш учун кўк рангда.
Давлат раҳбари хизматига 17 номзод қатнашмоқда. Улар:
- Жапаров Садир Нургожоевич;
- Исаев Канатбек Кедейканович;
- Арстанбек Миктибек;
- Сооронкулова Клара Сиргакбековна;
- Ташов Имамидин Асамидинович;
- Тагаев Рашид Бакирович (у ташвиқот ишлари вақтида номзодини олиб қўйган);
- Сегизбаев Абдил Кенешевич;
- Мадумаров Адахан Кимсанбаевич;
- Касенов Аймен Абдиталипович;
- Кочкоров Улукбек Тойчубаевич;
- Байгуттиев Женишбек Сейтбекович;
- Абакиров Эльдар Курманбекович;
- Асанов Курсан Сатарович;
- Абдилдаев Арстанбек Бейшеналиевич;
- Жеенбеков Равшан Бабирбекович;
- Калмаматов Бактибек Орозалиевич;
- Тольбаев Бабиржан Латиханович;
- Иманалиев Канибек Капашович.
Референдумда сайловчилар президентлик ёки парламент бошқарувига, шунингдек «ҳаммасига қарши» овоз бера олишади.
Марказий сайлов комиссияси Қирғизистонда 3 563 574 сайловчи борлигини маълум қилди. Сайловчиларнинг умумий сонидан 50 фоизи президентлик сайловида овоз берса, улар ўтган бўлиб ҳисобланади. Референдумга сайловчиларнинг 30 фоизи керак.
Қирғизистон ҳудудида умумий 2 474, чет давлатларида 48 сайлов участкалари очилди. Сайлов ва референдум эрталабки соат 8:00да бошланиб, кечки соат 20:00да тугайди.
9-январда соғлиги сабаб сайлов участкаларига келолмаган сайловчилар овоз беришган. МСКнинг маълумотига кўра, олдиндан овоз бериш учун 21 360 ариза тушган.
