Бир иқтибос билан: Жапаров «аччиқ ҳақиқатни» тинглаш учун регионларга бормоқда

333

Президент вазифасини бажарувчи ва премьер-министр Садир Жапаров ҳудудлардаги ҳолат билан таниши мақсадида республика бўйлаб айланаётганини ва «аччиқ ҳақиқатни» эшитишга тайёрлигини билдирди. Бу ҳақда у расмий сафари вақтида Норин вилояти аҳолиси билан учрашувда айтди.


«Халқнинг овози ҳеч қачон ҳукуматга етмайди, ўзгартирилган ҳолатлар ҳам бўлади, баъзан ҳукуматдаги одамлар кўз олдида нима бўлаётганини билишмайди. Мен ҳар бир фуқарони эшитайин, халқимиз қандай яшашини кўрайин, нима муаммолари борлигини билайин деб келдим. Халқнинг Давлат ҳукумат органлари бўлган ишончини қайтаргим келди», — деди Жапаров.


Президентнинг вазифасини бажарувчи норинликлар муаммоларини ҳал қилиш учун имкони борича ҳаракат қилишга ваъда берди. Асосан улар Жапаровдан электр энергияси нархини арзонлатишни, ҳудуднинг инфраструктурасини яхшилашни, ерларни трансформация қилиш масаласи ва ижтимоий муаммоларни ҳал қилишни сўради.

Жапаров давлат органларига «ҳар бир муаммони» кўриб чиқиб, тез орада ҳал қилиш бўйича чора кўришни топширди.

Вилоятга бўлган иккинчи расмий иш сафарида Жапаров Юқори Норин ГEС каскадига бориб, «Билим Булаги» билим бериш марказининг фаолияти билан танишди.

У Юқори Норин ГEС каскади атрофидаги суд ишларининг бориши билан танишиб, давлат органларига «Билим Булаги» комплексини давлат тасарруфига ўтказишни тезлаштиришни топширди.

Президентлик сайловидан аввал Жапаровнинг регионларга сафари

Жапаров 25 октябрда Норин вилоятига келиб, Мантиш қишлоғидаги ижтимоий қишлоқнинг қурилишига капсула солган. Бу Жапаровнинг премьер-министрликка тайинлангандан кейинги биринчи расмий иш сафари бўлган. Ташриф вақтида президентлик сайловига қатнашишини ҳам билдирган.

Ҳукуматда турган бир ой давомида Жапаров Нориндан ташқари, Ўш, Жалолобод, Баткен вилоятларига борган. Ҳар бир вилоятда Жапаров маҳаллий халқ билан учрашиб, унга юзлаган одамлар келган.

Расмий суратларда учрашув вақтида санитар меъёрлар сақланмаганини кўриш мумкин. Бироқ Жапаровнинг матбуот хизмати халқ орасидаги тадбирларни ўтказишда санитар-гигиена қоидаларига амал қилинганини маълум қилган.

Парламентнинг янги сайланган раиси ва Жапаровнинг сафдоши Талант Мамитов 4 октябрда, оммавий йиғилишларни тақиқлашга қарамай, одамлар ўз истаги билан йиғилаётганини билдирди.

Соғлиқни сақлаш вазирлиги Қирғизистонда коронавирус касаллигини юқтиришнинг янги тўлқини ўлкадаги сиёсий воқеалар билан бевосита боғлиқ деб айтмоқда – митинглар, парламент сайловига ташвиқот ишлари.

Муддатидан олдинги президентлик сайлови 2021 йилнинг 10 январида ўтди. Президентликка номзод бўлиш учун Жапаров давлат раҳбари ва премьер-министрлик ваколатларини ўтказиб бериши керак. Жапаровнинг ҳудудларни айланиши норасмий ташвиқот ҳисобланади.

Президентликка номзодларни сайлашни ташвиқоти 15 декабрда бошланади. 9 ноябрга кўра МСКга президентликка номзод қатори 9 киши ариза берган.