Ахсида икки қишлоқ турғунлари ҳоким ўрнини талашаётганда ўқ отилди

396

7 октябрда Жалолобод вилоятининг Ахси туманида икки қишлоқнинг яшовчилари жанжаллашди. Оммавий муштлаш вақтида осмонга уч марта ўқ отилди.

Воқеа мазкур туманнинг Кербен шаҳрида жойлашган «Альтин қазиқ» кинотеатри олдида бўлган. Можарога Кербен шаҳрининг яшовчилари билан Ак-Дўбў қишлоғининг ёшлари ўртасида Ахси тумани ҳокимини аниқлаш масаласи муҳокама қилинаётган вақтда фикр келишмовчилик сабаб бўлган.

«Ўқ икки томонни ажратиш мақсадида номаълум яшовчи томонидан отилган. Ҳозирда воқеа иштирокчиларини ва ташкилотчиларини аниқлаш учун тезкор тергов ҳаракатлари бормоқда», — деб билдирди «Клооп»га Жалолобод ВИИБнинг матбуот хизмати.

Муштлашувдан жабрланиб Ахси ҳудудий шифохонасига уч фуқаро мурожаат қилиб, улар ҳозирда даволанаётгани маълум қилинди. Мазкур факт Жиноятларнинг ягона реестрига «Бебошлик» моддаси билан рўйхатга олиниб, тегишли экспертизалар тайинланди.

Ҳудудий касалхонадан «Турмуш» нашрига бу тортишувда тўрт киши жабрланганини маълум қилишди. Улардан бирининг аҳволи оғир деб айтилмоқда. Шунингдек, бир фуқаро пичоқлангани аниқланган. Бундан ташқари, тўрт киши тиббий ёрдам олиб кетган.

Ахси тумани ҳокими Эсенали Ормоналиев «Азаттык» нашрига билдиришча, бундан бир кун олдин эрталаб туман маъмурияти олдига тахминан 500га яқин одам йиғилган. Уларнинг айримлари ҳокимни «ишдан кетсин» деса, иккинчи томон «унинг лавозими қонуний йўл билан қаралсин» деган фикрни айтган. Бу орада туман ҳокими ўз истаги билан ишдан кетганини эълон қилингани билан Ормоналиев бу маълумотни инкор қилган.