Қирғизистонда охирги суткада яна 47 нафар шифокорда коронавирус аниқланди

351

Жамоат соғлиқни сақлаш бошқармасининг етакчиси Айнура Акматова 21-июлга келиб яна 47 нафар тиббиёт ходимидан коронавирус аниқланганини хабар қилди.

Касалга чалинган энг кўп шифокорлар Чуй ва Ўш вилоятида қайд этилди — 15 ва 10. Шунингдек Бишкек шаҳридан тўққиз, Ўш шаҳридан олти, Боткен вилоятидан тўрт ҳамда Иссиқкўл вилоятидан уч тиббиёт ходимида коронавирус аниқланди.

Шу билан коронавирус юқтирган тиббиёт ходимларининг умумий сони — 2428. Ўтган суткада касалхоналардан соғайиб чиққан 11 нафар шифокорни қўшганда мамлакатда коронавирусни енгиб чиққан тиббиёт ходимларининг сони 624 нафарга етди.

Ҳукумат иш вақтида коронавирусни юқтирган шифокорларга 200 минг сом, вафот этган тиббиёт ходимларининг оиласига 1 млн сом компенсация тўлаб беради. Аммо ҳозирча касаллик юқтирган 41 шифокорга компенсация тўлаб берилгани маълум.

Шунингдек COVID-19 билан курашган ўнлаб тиббиёт ходими вафот этган, аммо ССВ уларнинг барини рўйхатга қўшгани йўқ. Ҳозирда расмий турда коронавирус туфайли вафот этган шифокорларнинг сони эълон қилингани йўқ.

Компенсация тўлашдан аввал Соғлиқни сақлаш вазирлигининг қошидаги комиссия инфекция юқтириб олган шифокорларнинг ҳар бир ҳолатини ўрганиб чиқади.

Хотира рўйхати

COVID-19га чалиниб вафот этган илк шифокор бўлиб Жузумкан Кокумбаева ҳисобланади. Бишкек шаҳар касалхонасининг шифокори 2-майда 58 ёшда вафот этган. Бу ҳақда Соғлиқни сақлаш вазирлиги (ССВ) хабар қилган.

Аммо аввалроқ, 5-апрелда Сузоқдаги психиатр вафот этган. Уни коронавирус юқтириб олган шифокорларнинг сонига қўшишмаган, чунки у топширган тестр вирус бор эканини тасдиқламаган. Унга касалхонадан ташқари пневмония ташхиси қўйилган.

2-июнда Қора-Қулжа туманининг оилавий тиббиёт марказида шифокор фтизиатр бўлиб ишлаб келган 59 ёшдаги Альберт Исмаилов вафот этган. Исмаиловда коронавирус чиқиб даволанаётган эди, аммо ҳаётини сақлаб қолиш имкони бўлмаган — унинг касали оғир турда ўтган. Бу бўйича маълумотни ССВ берган.

30-июнда Ички ишлар вазирлигининг тиббиёт марказининг Ўш шаҳри ва Ўш вилояти бўйича ординатор-врачи Жамал Тазабекова вафот этган. Бу ҳақда ССВ хабар қилган.

Бишкекда 1-июлда амбулатория жарроҳлик ва ўпка касалликлари бўйича мутахассис Мурат Жумабеков 56 ёшида вафот этган. Унда коронавирус ва пневмония аниқланган.

2-июлда Ўш вилоятидаги Новқат касалхонасининг 70 ёшдаги фахрий шифокори Орозали Абдухалимовнинг вафот этганини хабар қилган. Бу ҳақда ССВ билдирган.

Айни вақтда, айни касалхонада исми аталмаган 59 ёшдаги ҳамшира вафот этган. У ҳақда Соғлиқни сақлаш вазирлиги хабар қилган.

2-июлда коронавирус билан хасталанган беморларни қабул қилаётган касалхонанинг қабулхонасида тиббиёт афсонаси Исхар Фунлоэр вафот этган.

Медицинанинг профессори Абдиманап Муратов вафот этган.

4-июлда 62 ёшдаги педиатр Эдил Сидиков вафот этди — у Иссиқкўл вилоят касалхонасининг умумий педиатрия бўлимининг етакчиси бўлган. У жонлантириш бўлимида тўрт кун ётган. Соғлиқни сақлаш вазирлиги марҳумнинг коронавирусга топширган тести ўлимидан сўнг аниқланганини хабар қилган.

Бишкекда акушер Заида Терекбаева дунёдан ўтган — унинг вафоти ҳақида Қирғизистоннинг шифокорлар ассоциацияси билдирган.

6-июлда Ўш шаҳар санитария-эпидемиологик назорат қилиш марказининг бош шифокорининг ўринбосари Артикбай Эралиев ёруғ дунё билан хайрлашган. Соғлиқни сақлаш вазирлиги унда коронавирус бўлганини тасдиқлаган.

6-июлда Миллий госпиталнинг юқори тоифадаги нейрожарроҳи, хизмат кўрсатган шифокор Бектемир Мукамбетомуров икки томонлама пневмониядан вафот этган. Бу ҳақда Соғлиқни сақлаш вазирлигининг собиқ матбуот котиби Елена Баялинова хабар қилган.

Худди шу куни, фельдшер Валерие Гаук ҳам вафот этгани хабар қилинган. У ҳам пневмония билан касалланган.

8-июлда Ак-Тала туман касалхонасида ишлайдиган 55 ёшли жарроҳ Кубанчбек Карагулов вафот этган.

Ўша куни Ўш вилоят минтақалараро болалар касалхонаси ЛОР бўлимининг етакчиси Жангара Абдихаликов икки томонлама пневмониядан вафот этган.

8-июлда гепатолог инфекционист шифокор Умутжан Мусаева вафот этган. 66 ёшдаги марҳумда икки томонлама пневмония аниқланган.

Иссиқкўл вилоятидаги Туп туманида ҳамшира Чинар Турускелдиева вафот этган, у 54 ёшда бўлган.

10-июлда Ўш вилоят қон марказининг раҳбари, юқори тоифадаги шифокор Осмонали Шамшидов пневмониядан вафот этгани маълум бўлган.

11-июнда тиббиёт фанлари доктори Чолпон Калканбаева вафот этди. Профессорнинг ўлими сабаби маълум қилинмади. Аммо, ижтимоий тармоқларда у пневмонияга чалинганлиги ҳақида айтилгани хабар берилган.

12-июль куни ҳарбий шифокор Ратан Курманбев вафот этди. Қариндоши у коронавирусдан вафот этганини оммавий равишда эълон қилган. Бош штаб ҳам ушбу маълумотни тасдиқлади.

13-июль куни тиббиёт факультетининг бешинчи босқич талабаси, 22 ёшдаги Адинай Мурзабекова вафот этди. У шифокорлар етишмаслиги сабабли ишга жалб қилинган эди.  Унинг ўлими ҳақида педиатрия кафедраси ўқитувчиси хабар берган. Соғлиқни сақлаш вазирлиги марҳум қизнинг пневмонияга чалинганлигини маълум қилган.

13-июлда Ўш вилоятининг Новқат туман санитария-эпидемиология назорати марказининг 55 ёшдаги раҳбари Айчурек Келдибекова коронавирусдан вафот этган.

Айни куни Бишкекда 27 ёшдаги кардиолог ва реаниматолог-анестезиолог Жумабай Бекмуратов вафот этган. Унинг яқинлари у коронавирус юқтирганини айтишмоқда.

14-июлда Бишкекнинг тез ёрдам хизматининг диспетчери Акилай Ажибекова пневмониядан вафот этди.

16-июлда хирург-проктолог Турат Кулжабаевнинг ўлими ҳақида маълум бўлди. 45 ёшдаги шифокорда пневмония аниқланган.

Айни куни Ўш вилоят қўшма клиник касалхонаси раҳбарининг даволаш ишлари бўйича ўринбосари Темиркан Жарматованинг ўлими ҳақида хабар қилинган. У 65 ёшида вафот этди.

17-июлда Республика клиника инфекция касалхонасининг юқумли касалликлар шифокори Шайназар Закиров ўлими ҳақида маълум бўлди. 53 ёшдаги шифокорда COVID-19 аниқланган.

Айни куни микрохирург Бакит Омурзаков вафот этди.

Бундан ташқари, 17-июлда Бишкекдаги 12-ОТМнинг шифокори Гулмира Кадированинг ўлими ҳақида маълум бўлди. Бу ҳақда унинг ҳамкасблари билдиришди.

Хизмат кўрсатган шифокор Бейшекан Калиева 18-июлга ўтар кечаси юқумли касалликлар шифохонасининг жонлантириш бўлимида вафот этди.

18-июлда Иссиқкўл вилоятининг туман поликлиникаларидан бирининг етакчиси Бубуайим Жээнбаева Чолпон-Ата касалхонасида вафот этди.

19-июлда Миллий госпиталнинг жонлантириш бўлимида шифокор жарроҳ, доцент Эрмек Носинов вафот этди.