Бишкекнинг тез ёрдам хизматининг диспетчери пневмониядан вафот этди

336

Бишкекнинг шошилинч тиббий ёрдам марказининг реанимация бўлими бошлиғи Егор Борисов твиттерда 14-июль куни тез ёрдам хизматининг диспетчери Ақилай Ажибаева пневмониядан вафот этганини билдирди.

«У ёш, хушчақчақ ва жуда фаол қиз эди. Бутун диспетчер бўлинмаси қайғуриб, йиғлаётганини кўриб жуда ўзимни ёмон ҳис қилдим. Айни пайтда улар қўнғироқларни қабул қилиб, қўнғироқ қилган одамлар билан гаплашаётган эди», — деб ёзган у.

Қирғизистонда пневмониядан вафот этган шифокорлар ҳақида ҳар куни хабар қилиб келмоқда. Уларнинг ҳамкасблари ижтимоий тармоқларда шифокорларга ҳимоя воситаларини ҳамда маошларини беришмаётганидан шикоят қилмоқдалар. Улар барча шифокорлар энг ёмон шароитларда кучи етганича ишлаб, айни пайтда беморлар билан алоқада бўлишаётганини айтишмоқда.

Бугунги кунга келиб мамлакат бўйича COVID-19га чалинган тиббиёт ходимларининг 2076 ҳолати қайд этилган. Уларнинг ичидан 583 нафар шифокор соғайган.

Соғлиқни сақлаш вазирлигининг расмий маълумоти бўйича коронавируснинг олти шифокори вафот этган. Идора бу рўйхатга пневмониядан вафот этганларни қўшмаган, аммо уларнинг сони бир қанча кўп.

Шифокорларнинг ўлими

COVID-19га чалиниб вафот этган илк шифокор бўлиб Жузумкан Кокумбаева ҳисобланади. Бишкек шаҳар касалхонасининг шифокори 2-майда 58 ёшда вафот этган. Бу ҳақда Соғлиқни сақлаш вазирлиги (ССВ) хабар қилган.

Аммо аввалроқ, 5-апрелда Сузоқдаги психиатр вафот этган. Уни коронавирус юқтириб олган шифокорларнинг сонига қўшишмаган, чунки у топширган тестр вирус бор эканини тасдиқламаган. Унга касалхонадан ташқари пневмония ташхиси қўйилган.

2-июнда Қора-Қулжа туманининг оилавий тиббиёт марказида шифокор фтизиатр бўлиб ишлаб келган 59 ёшдаги Альберт Исмаилов вафот этган. Исмаиловда коронавирус чиқиб даволанаётган эди, аммо ҳаётини сақлаб қолиш имкони бўлмаган — унинг касали оғир турда ўтган. Бу бўйича маълумотни ССВ берган.

30-июнда Ички ишлар вазирлигининг тиббиёт марказининг Ўш шаҳри ва Ўш вилояти бўйича ординатор-врачи Жамал Тазабекова вафот этган. Бу ҳақда ССВ хабар қилган.

Бишкекда 1-июлда амбулатория жарроҳлик ва ўпка касалликлари бўйича мутахассис Мурат Жумабеков 56 ёшида вафот этган. Унда коронавирус ва пневмония аниқланган.

2-июлда Ўш вилоятидаги Новқат касалхонасининг 70 ёшдаги фахрий шифокори Орозали Абдухалимовнинг вафот этганини хабар қилган. Бу ҳақда ССВ билдирган.

Айни вақтда, айни касалхонада исми аталмаган 59 ёшдаги ҳамшира вафот этган. У ҳақда Соғлиқни сақлаш вазирлиги хабар қилган.

2-июлда коронавирус билан хасталанган беморларни қабул қилаётган касалхонанинг қабулхонасида тиббиёт афсонаси Исхар Фунлоэр вафот этган.

Медицинанинг профессори Абдиманап Муратов вафот этган.

4-июлда 62 ёшдаги педиатр Эдил Сидиков вафот этиб — у Иссиқкўл вилоят касалхонасининг умумий педиатрия бўлимининг етакчиси бўлган. У жонлантириш бўлимида тўрт кун ётган. Соғлиқни сақлаш вазирлиги марҳумнинг коронавирусга топширган тести ўлимидан сўнг аниқланганини хабар қилган.

Бишкекда акушер Заида Терекбаева дунёдан ўтган — унинг вафоти ҳақида Қирғизистоннинг шифокорлар ассоциацияси билдирган.

6-июлда Ўш шаҳар санитария-эпидемиологик назорат қилиш марказининг бош шифокорининг ўринбосари Артикбай Эралиев ёруғ дунё билан хайрлашган. Соғлиқни сақлаш вазирлиги унда коронавирус бўлганини тасдиқлаган.

6-июлда Миллий госпиталнинг юқори тоифадаги нейрожарроҳи, хизмат кўрсатган шифокор Бектемир Мукамбетомуров икки томонлама пневмониядан вафот этган. Бу ҳақда Соғлиқни сақлаш вазирлигининг собиқ матбуот котиби Елена Баялинова хабар қилган.

Худди шу куни, фельдшер Валерие Гаук ҳам вафот этгани хабар қилинган. У ҳам пневмония билан касалланган.

8-июлда Ак-Тала туман касалхонасида ишлайдиган 55 ёшли жарроҳ Кубанйбек Карагулов вафот этган.

Ўша куни Ўш вилоят минтақалараро болалар касалхонаси ЛОР бўлимининг етакчиси Жангара Абдихаликов икки томонлама пневмониядан вафот этган.

8-июлда гепатолог инфекционист шифокор Умутжан Мусаева вафот этган. 66 ёшдаги марҳумда икки томонлама пневмония аниқланган.

Иссиқкўл вилоятидаги Туп туманида ҳамшира Чинар Турускелдиева вафот этган, у 54 ёшда бўлган.

10-июлда Ўш вилоят қон марказининг раҳбари, юқори тоифадаги шифокор Осмонали Шамшидов пневмониядан вафот этгани маълум бўлган.

11-июнда тиббиёт фанлари доктори Чолпон Калканбаева вафот этди. Профессорнинг ўлими сабаби маълум қилинмади. Аммо, ижтимоий тармоқларда у пневмонияга чалинганлиги ҳақида айтилгани хабар берилган.

12-июль куни ҳарбий шифокор Ратан Курманбев вафот этди. Қариндоши у коронавирусдан вафот этганини оммавий равишда эълон қилган. Бош штаб ҳам ушбу маълумотни тасдиқлади.

13-июль куни тиббиёт факультетининг бешинчи босқич талабаси, 22 ёшдаги Адинай Мурзабекова вафот этди. У шифокорлар етишмаслиги сабабли ишга жалб қилинган эди.  Унинг ўлими ҳақида педиатрия кафедраси ўқитувчиси хабар берган. Соғлиқни сақлаш вазирлиги марҳум қизнинг пневмонияга чалинганлигини маълум қилган.

13-июлда Ўш вилоятининг Новқат туман санитария-эпидемиология назорати марказининг 55 ёшдаги раҳбари Айчурек Келдибекова коронавирусдан вафот этган.

Айни куни Бишкекда 27 ёшдаги кардиолог ва реаниматолог-анестезиолог Жумабай Бекмуратов вафот этган. Унинг яқинлари у коронавирус юқтирганини айтишмоқда.

14-июлда Бишкекнинг тез ёрдам хизматининг диспетчери Акилай Ажибекова пневмониядан вафот этди.

16-июлда хирург-проктолог Турат Кулжабаевнинг ўлими ҳақида маълум бўлди. 45 ёшдаги шифокорда пневмония аниқланган.