Жогорку Кенеш президентнинг ФҲ режимини Бишкек, Ўш, Жалолобод шаҳарларида ҳамда Норин вилоятининг От-Боши туманида 10-майгача узайтириш бўйича фармонини мақуллади.
ФҲ режими Ўш вилоятининг Қорасув ҳамда Новқат туманларида ва Жалолобод вилоятининг Сузоқ туманида олинади, аммо у ерда фавқулодда вазият тартиби кучида қолдирилади.
Ҳукумат коронавирус инфекциясига қарши курашиш учун бундай режимни жорий этишди. Бу уларга юқумли касалликлар қайд этилган шаҳарларни ажратиб олишга ва фуқаролар учун ўзини изоляция қилишга имкон беради.
Аммо ФҲ режимини узайтириш қарори қабул қилинганига қарамай ҳукумат 1-майдан бошлаб айрим иқтисодий фаолият турига иш бошлашга рухсат берди. Ишхоналар май ойининг охирига қадар босқичма-босқич билан очила бошлайди.
Бироқ вазият тадбиркорларга ўтказиш қоғозларини олиш кераклиги билан оғирлашмоқда, ФҲ режими эълон қилинган ҳудудларда эса турғунларнинг юришини чеклаш хамон олингани йўқ.
Фавқулодда ҳолат режими Бишкек, Ўш, Жалолобод шаҳарларининг, Ўш вилоятининг Новқат ҳамда Қорасув туманларининг ва Жалолобод вилоятидаги Сузоқ тумани ҳудудида 25-мартда киргизилиб, 2020 йилнинг 15-апрелида ойнинг охиригача узайтирилган.
Норин шаҳрининг ва Норин вилоятининг От-Боши туманлари ҳудудига фавқулодда ҳолат 2020 йилнинг 15-апрелида киргизилган. Бунга вилоятда коронавирус инфекциясини юқтириш ҳолатлари кўпайгани сабаб бўлган.
30-апрелга келиб мамлакатда коронавирус юқтиришнинг 746 ҳолати қайд этилди. Айни вақтда пандемия бошланган вақтдан бери ўлкада шифо топди деб ҳисобланган 450 бемор касалхонадан чиқарилди. Пандемия вақтида COVID-19 аниқланган саккиз киши вафот этди.
