Коронавирус иситиш мавсумининг тайёрлигига таҳдид туғдирди — Миллий энергохолдинг

347

Давлат компанияси бошқармасининг етакчиси Айтмамат Назаров 20-апрелда ўтган йиғинда коронавирус боис чекловлар киргизилиб, кўплаб ишхоналар билан компаниялар ишини тўхтатганидан, “истеъмол қилинган электр энергияси учун тўловларни камайиши” кутилаётганини билдирди.

Унинг айтишича, бу ўз навбатида таъмир ҳамда иситиш мавсумига тайёргарликни хавф остига қўяди.

Назаров энергетика компаниялари зудлик билан инқирозга қарши чоралар кўриши ва фақат ўз манбаларига таяниши кераклигини таъкидлади.

“Биз харажатларни иложи борича қайта кўриб чиқишимиз ва бутун энергия тизимининг барқарор ишлашини таъминлаш учун режалаштирилган ишларни давом эттиришимиз керак. Ишлаб чиқариш фаолияти билан боғлиқ бўлмаган барча давлат харидлари жараёнларини кейинга қолдирилишини тавсия қиламиз. Иш ҳақи, солиқ ва ижтимоий тўловлар кечиктирмай тўлансин”, — деди Назаров.

Бу орада фаолият олиб бораётган ходимларнинг сонини максимал кўпайтиришни тавсия қилди.

Соғлиқни сақлаш вазирлиги бир кеча-кундузда мамлакатда COVID-19 юқтиришнинг 22 янги ҳолати аниқланганини билдирди. Жами бўлиб республикада 590 юқтириш ҳолати қайд этилди.

Касалхонада 367 киши даволанмоқда, уларнинг ичидан беш киши жонлантириш бўлимида.

Пандемия бошланган вақтдан бери мамлакатда COVID-19га чалинган жами 7 киши вафот этди. Касалхонадан шифо топиб чиққанларнинг сони эса 216 кишини ташкил қилади.

Коронавируснинг тарқаши боис республиканинг айрим ҳудудларидаФҲ ва ФВ режимлари киргизилиб, тирикчилик учун муҳим ишхоналардан бошқа бизнес ҳамда фирмаларнинг ишлари тўхтатилган.