Январь ойида коронавируснинг биринчи ҳолати аниқланган Хитойнинг Ухань шаҳри 76 кунга чўзилган изоляциядан кейин очилди. Автомобил, темир йўл ва авиа рейслар қайтадан ишга кирди. Шаҳар инфекция юқтиришнинг янги ҳолатлари қайд этилмай қолгандан кейин очилган. Reuters нашри охирги 21 кун ичида Уханда янги уч ҳолатгина қайд этилганини ёзган.
#Beijing to limit daily arrivals from #Wuhan city under 1,000 people, a Municipal official said Wednesday that all passengers need to undergo nucleic acid tests seven days before journey to Beijing
Around 11,000 people from #Wuhan are expected to arrive in the capital city. pic.twitter.com/aqwA4iQlnd
— CGTN (@CGTNOfficial) April 8, 2020
AP маълум қилишича, шаҳар очилгандан кейин 65 минг киши чиқиб кетган, аммо маҳаллий ҳукумат одамлардан қайта вирус юқтириболмаслик учун Ухандан кетмасликни илтимос қилган.
Уханда супермаркетлар ва савдо марказлари очилиб, полиция ҳимоя тўсиқларини олиб ташлаган.
Хитойда коронавирус юқтиришнинг 82 780 ортиқ ҳолати қайд этилган, унинг ичидан 67 800 ортиқ ҳолати Ухань шаҳри жойлашган Хубэй провинциясида аниқланган. 64 140 бемор тузалиб, 400дан бир оз ортиқ киши юқтиргани бўйи қолмоқда ҳамда 3 213 нафар киши вафот этган.
Дунёда коронавирус юқтиришнинг бир миллион тўрт юз мингдан ортиқ ҳолати қайд этилган. 82 мингдан ортиқ киши вафот этиб, 301 700 бемор тузалган.
