Парламентнинг депутати Дастан Бекешев МХДҚнинг, божхона хизматининг, финполнинг ва финразведканинг етакчиларини истеъфога чиқариш масаласи билан президент Сооронбай Жээнбековга мурожаат қилди.
Бу масалани Бекешев «Азаттык», «Клооп» ҳамда OCCRPнинг божхона хизматидаги коррупция ва Қирғизистондан чиқарилиб кетган 700 млн доллар ҳақида журналистик суриштирувида келтирилган фактларнинг асосида кўтарган.
Депутатнинг сўров-талаби президентга йўлланганига қарамай жавоб ҳукуматнинг аппаратидан келиб, унга ҳукуматнинг мухтор вакили Алмасбек Абитов тарафидан қўл қўйилган.
После публикации журналистского расследования о выводе 700 млн$ я обратился к Президенту с просьбой уволить руководителей правоохранительных органов, а мне отвечает замрук АП 🤔 pic.twitter.com/fvpnputAQC
— Дастан Бекешев (@bekeshev) December 24, 2019
Мактубда муассасаларнинг етакчиларини истеъфога кетказиш масаласи идоралараро комиссиянинг натижасига кўра кўриб чиқилиши айтилади. Ҳукумат аппаратининг маълумотига кўра, комиссия судгача тергов процессини бошлаган ва ҳозирча барча тегишли тергов амаллари олиб борилмоқда.
«Судгача тергов натижалари тегишли чораларни қабул қилишда ва пулларни ноқонуний чиқариш бўйича ноқонуний схемаларга алоқаси бор ходимларнинг жавобгарлигини кўриб чиқишда ҳуқуқий баҳо бериш учун асос бўлиб беради», — деб айтилади хатда.
