Миллий хавфсизлик бўйича давлат қўмитасидан «Клооп»га собиқ премьер-министр Сапар Исаков касалхонага ётқизилганини билдиришди. Идорадан Исаковга шифокорлар «умртқа артерияларининг синдроми» ташҳисини қўйишганини айтишмоқда.
Собиқ ҳукумат раҳбарининг юристи Нурбек Токтакунов «Клооп»га Исаков МХДҚнинг ТИЗОсидан касалхонага тушганини тасдиқлади.
«Менга [Сапар Исаковни] касалхонага олиб кетишди деб хабар қилишди, ташҳисини аниқ билмайман», — деди Токтакунов.
Аввалроқ Kaktus.Media нашри Исаков соғлиғи ёмонлашганидан шикоят қилиб, 16-августда шифокорлар унинг инсульт бўлганини аниқлашганини ёзиб чиққан.
Собиқ ҳукумат раҳбари 2018 йили июнда Бишкек ИЭМни янгилаш иши бўйича қўлга олинган — у коррупция бўйича айбланган. Шунингдек Исаков Бишкекдаги Тарих музейини ҳамда Чолпон-Атадаги от майдонини реконструкциялаш иши бўйича ҳам айбловчи қатори ўтмоқда.
