Ўш ШИИБнинг матбуот котиби Абсаттар Тавакалов «Клооп»га билдиришича, Ўзган туманининг 22 ёшдаги турғуни 15-июлда бир ойлик гўдагини номаълум шахсларга сотишга харакат қилаётганда қўлга олинган.
«Чақалоқни сотиш харакати бўлаётгани бўйича маълумотни милицияга Манас-Ата кичик шаҳарчасининг яшовчилари беришган. Чақалоқни 30 минг сомга баҳолашган», — деди Тавакалов.
Матбуот котиби болани сотиш вақтида онаси уйида бўлганини, унинг устидан ҳам тергов ишлари олиб борилаётганини қўшимча қилди.
Меҳнат ва ижтимоий ҳимоя бўлимининг раҳбари Дина Анарбаеванинг айтишича, чақалоқ воқеа бўлган куни шаҳарнинг ихтисослаштирилган оилани ва болаларни қайта тиклаш марказига жойлаштирилган.
«Чақалоқнинг гувоҳномаси йўқ экан. Шу сабабдан гувоҳнома олишга харакат қилярмиз. Бола фуқаролик никоҳда туғилган экан», — деб билдирди у.
Анарбаева қўшимча қилишича, гўдакнинг ота-онаси ота-оналик ҳуқуқидан ажратилиши мумкин. Ҳозирда ижтимоий ҳимоя бўлими чақалоқнинг қариндошларини изламоқда.
Мазкур факт Жиноятларнинг ва қилмишларнинг умумий реестрига «Одамни савдолашиш» моддаси бўйича рўйхатга олинган.
Ўш вилоят судининг матбуот котиби Бекзат Осмонкулов «Клооп»га маълум қилишича, шаҳар суди 17-июлда боласини сотишда гумонланган турғунни ва унинг фуқаролик турмуш ўртоғиниинг эҳтиёт чораисини кўриб, икки ойга уй қамоғига чиқарди.
