Вице-премьер-министр Темир Жумакадировнинг машинаси Бишкек-Қора болта йўлида оғир юк ташувчи машина билан тўқнашган. Жумакадиров билан бирга ёрдамчиси ва ҳайдовчиси ҳалок бўлган.
Йўл ҳалокати 7-октябрь куни эрталаб Садовое қишлоғидан узоқ бўлмаган жойдаги Бишкек-Қораболта йўлида бўлган. Гувоҳларнинг айтишича, машина йўлнинг қарама-қарши қисмига чиқиб кетган КамАЗ билан тўқнашган.
Мудофаа ва чегаралар масаласи бўйича вице-премьер-министр Темир Жумакадиров, унинг ёрдамчиси ва ҳайдовчиси воқеа бўлган жойда ҳалок бўлган. Патруль милиция билан фавқулотда ҳолатлар министрлиги йўл ҳалокати фактини тасдиқлашган.
«Бизнинг қутқарувчилар бу машинадан учовини олиб чиқишди, уларнинг икки ҳалок бўлди», — деб билдиришди ФҲМнинг матбуот хизматидан. Дастлабки маълумотларга кўра, Жумакадиров сайлов участкаларини текшириш учун Таласга кетаётган бўлган.
Бу вақтгача Жумакадиров хавфсизлик кенгашининг котиби бўлган. Янги ҳукумат тузилгандан кейин у мудофаа ва чегара масалалари бўйича вице-премьер-министрлик лавозимига келган.
Муаллиф: Метин Жумагулов
