Ўзбекистонда қўлга олинган йирик вебкам-студия тармоғининг асосчиси Даниэль Ажиев суднинг қарори билан 29 июлгача қамоққа олинди. Бу ҳақда 6 июнда «Клооп»га Биринчи май туман судидан билдиришди.
Маълумотга кўра, туман суди 5 июлда МХДҚнинг тергов бошқармаси Ажиевни қамоққа олиш талабини қаноатлантирди.
5 июнда «трансмиллий йирик вебкам-студия тармоғига» нуқта қўйилиб, асосчиси Даниэль Ажиев қўлга олингани маълум қилинган.
МХДҚ ходимлари Ажиевга тегишли уч катта студияда тинтув ўтказган. У ерда 30 операторнинг турли сайтда пул учун интим хизмат кўрсатиш ишини ташкил қилгани аниқланиб, 80 дона компьютер топилган.
Махсус хизматдан бу бўйича тегишли далиллар олиниб, жиноий гуруҳнинг уч аъзоси қўлга олинганини билдирган. Ажиев «жавобгарликдан қочиш мақсадида» 31 майда Қирғизистондан чиқиб кетгани учун қидирувга берилиб, Ўзбекистонда қўлга олинган.
Даниел Ажиев нимаси билан таниқли?
2020 йили Даниэль Ажиев вебкам бизнес билан шуғулланишини айтган. У 2018 йили уйида вебкам студия уюштиргани учун қўлга олинган. Унда Ажиев 30 минг сом жарима тўлаган.
Ажиевга боғлиқ энг баҳсли воқеа 2020 йили коронавирус пандемияси вақтида бўлган. Унда Ажиев «Интернет тармоғи орқали ирқий, этнос, миллий, диний ёки ҳудудлараро низони қўзғатиш» моддаси бўйича қирғизлар ҳақида камситувчи сўзларни айтгани учун қўлга олинган.
Ажиев коронавирусга қарши кураш учун ҳукумат ҳисобига 7 млн сом ўтказганини билдирган. Аммо ижтимоий тармоқ фойдаланувчилари унинг иши ҳақида айтиб, кескин танқид қилишган. Бунга жавоб қатори Ажиев видео ёздириб, «қирғиз халқи, сизлар “конченный далбоёбсизлар”, бутун олти миллионнинг бари!» деган.
Бироқ жамиятда Ажиевни қўлга олинишини унинг шаҳар кенгашининг депутати, парламентнинг собиқ депутати Алиярбек Абжалиевнинг ўғли Темирлан Токобеков номига айтилган сўзлари билан боғлашган.
Абжалиев — собиқ президент Сооронбай Жээнбековнинг қудаси. Унда Ажиев Токобеков учраган йўл ҳалокатини ҳам эслаган. Бу воқеада тўрт одам вафот этган. Ажиев «йўл ҳалокатига Токобеков айбдор» деган.
Ажиев бир неча ой ТИЗОда ётиб, кейин руҳий касалликлар шифохонасига даволанишга юборилган. У ердан 2021 йили чиққан.
