Россиянинг уч ҳудудида чет элликларга савдо–сотиқ ва жамоат транспорт тармоқларида ишга жалб қилишга киритилган чекловнинг Қирғизистон фуқароларига алоқаси йўқ. Бу ҳақда 17 февралда ТИВнинг матбуот хизмати билдирди.
Маҳкаманинг маълумотига кўра, мазкур чекловни Ханти-Мансийск мухтор округи, Тюмен ва Калуга вилоят маъмуриятлари киритган.
ТИВдан тушунтиришганидай, Евросиё иқтисодий иттифоқининг (ЕАЭБ) шартномасига кўра, «аъзо давлатлар миллий меҳнат бозорини муҳофаза қилиш мақсадида, ушбу шартномада келишилганидай белгиланган чекловларни қўшмаганда, ўз қонунлари билан чекловларни қўйиб ҳамда қўллана олишмайди». Қирғизистон 2015 йилдан буён ЕОИИнинг аъзоси бўлиб ҳисобланади.
Ташқи ишлар вазирлиги қирғизистонликларнинг агар россиялик иш берувчилар мазкур уч ҳудудда ишга олишдан бош тортса, kgembassy.ru@mfa.gov.kg почтасига мурожаат қилишларини илтимос қилди.
Меҳнат мигрантлари учун янги қоидалар
Россияда муҳожирларга тегишли турли таклифлар кетма-кет айтилади. Ҳукумат одатда уларнинг мамлакатга кириши ва унинг ҳудудида юриш қоидаларини мураккаблаштириб, фаолиятини чеклайди.
Масалан, 2022 йилнинг бошида Россия ҳукумати ўлканинг миграция қонунларини кучайтирган. Унда муҳожирлар учун мамлакатга кирганидан сўнг бажариши керак бўлган вазифалар рўйхати тузилган. Агар муҳожирлар ушбу талабларни бажармаса, йўқ деганда мамлакатда юриш муддати қисқартирилади
Меҳнат мигрантлари Россияга кирганидан кейин 30 кунни ичида нарколог, психиатр ва инфекционист кўригидан ўтишга мажбурланган. Тиббий маълумотноманинг яроқлилик муддати битганидан кейин, аниқроғи, 3 ойдан сўнг, муҳожир қайта анализ топшириши шарт.
Россиянинг миграция қонун талаблари кучайтирилгани туфайли муҳожирлар масаласи Жогорку Кенешда ҳам кўтарилган. Депутат Дастан Бекешев қирғизистонлик мигрантларни ҳар уч ойда 6 минг рублга тиббий кўрикдан ўтишга мажбур бўлаётганини таъкидлаган.
Парламентда Қирғизистон Евросиё иқтисодий комиссиясидаги давлатларнинг иши ҳам танқид қилинган. Халқ вакили Бакит Тўрўбаев ЕОИИга аъзо бўлаётганда эркин товар айланмаси, қирғизистонликларнинг эркин юриши, капитал ҳамда хизмат кўрсатиш масалалари муҳокама қилинганини таъкидлади.
Жогорку Кенеш спикери Талант Мамитов масалани Россия ҳукумати билан олдинда бўладиган иш сафарида муҳокама қилишни ваъда берди.
Фуқароларни чет элда ишга ўрнатиш марказининг маълумотига кўра, Россияда 1 млн қирғизистонлик меҳнат миграциясида. Умумий олганда хорижда 1,1 млн қирғизистонлик меҳнат қилмоқда.
