Бекешев: Электр энергияни тежаш, бакиевчи кадрларни лавозимга тайинлаш, 2009-йилни ёдга солади

277

Депутат Дастан Бекешев фейсбукдаги саҳифасида 29-сентябрдаги Жогорку Кенеш йиғини қандай ўтганини айтиб берди. Унинг айтишича, турли мавзуларни бир соат муҳокама қилгандан кейин депутатлар муҳим масалаларга ўтишган.

Миллий банкнинг янги раҳбари

Миллий банкнинг раҳбарлигидан кетган Толкунбек Абдигуловнинг истеъфосини қабул қилиш билан йиғин тўлиқ бошланди. Ишдан бўшатиш ҳақидаги аризани президентнинг вакили ўқиди, кўп ўтмай Абдигуловнинг ўзи парламентга келди.

«Кўпчилик депутатлар Абдигуловни ўз ўрнида қолишини илтимос қилишди, хатто кетказмаймиз деб қўрқитишди, бироқ у сўзидан қайтмади. Бир соат мақтаб, фикридан қайтаришга ҳаракат қилиб, натижада кетишига қарор қилдик. Айни вақтдаги қийин даврда Абдигуловни янги лавозимга келгани ҳам яхши. Бу ўлка учун тўғри бўладими — бу алоҳида масала», — деб ёзди Бекешев.

Кейинги масала миллий банкка янги етакчини тайинлаш бўлди. Бу хизматга президент таклиф қилган бир номзод бор эди — Кубаничбек Бўкўнтаев. Бу одам банк тармоғида 11 йил ишламагани маълум бўлди.

«Ҳамкасблар ОАВда айтиб юрилган саволларни беришди: Россиядан насияга олинган 220 миллион қаерга кетган, жиноий ишларидан қандай халос бўлган ва бошқа. Мен ҳар доимгидай бакиевчиларнинг замонини эсладим. Аниқроғи, 2006-2010-йиллари Бўкўнтаев миллий банк раисининг ўринбосари бўлиб ишлаган. Ўша вақтда номимиз ёмон томондан чиққан — биз орқали пуллар олинган, Бўкўнтаев буларнинг барини сезмаган. Ҳамкасблар бундай қўрқинчли ҳеч нарсани сезишмаган, кўпчиликнинг овози билан номзодини қўллашди», — деб таъкидлади депутат.

Бекешев яширин бўлгани сабаб, балки миллий банкда жуда яхши бўлмаса ҳам ўзгаришлар бўлиши мумкинлигини қўшимча қилди.

«2009-йилни, 90-йилларни эсга солади: электр энергиясини тежаш, шубҳали давлат сотиб олишлари, бакиевчи кадрларни хизматга тайинлаш», — деб ҳисоблайди парламентарий.

Маълумотларни назорат қилиш

Йиғинда таклиф қилинган қонун лойиҳасининг бири Бекешевга тахтдан қулатилган Курманбек Бакиевнинг режимини эслатган. Унинг айтишича, бу маълумот алмашувчи қўлланмаларни идентификациялаш ҳақидаги қонун.

Лойиҳада айрим хусусий компанияларнинг маълумот алмашиш функцияси бор барча қўлланмаларини идентификациядан ўтказиш таклиф қилинган.

«Қўлланмаларни идентификациялаш бўйича қонун лойиҳаси — контрабанда ва ва телефон ўғриларини қисқартириш деган ном остидаги бизнес. Мен ғазабланганимдан икки тилда гапириб юбордим. Ҳамкасблар қўллашди, инкор қиламиз деб келишдик», — деб қўшимча қилди у.