Жалолободнинг вице-мэри паркда янги экилган кўчатни журналистлар олдида қайтадан эккан

«Акипрес»нинг видеосидан скриншот

Жалолобод шиҳрининг вице-мэри Болот Узакбаев 13-апрелда вилоят маъмуриятининг ходимлари ва журналистлар билан паркка бориб янги экилган кўчатларни қайта эккан.

Кейинчалик айни паркка маҳаллий ҳукумат вакиллари келгунгача 60ка яқин кўчат экилгани маълум бўлган. Аммо, журналистларга вице-мэрнинг кўчат экаётганини кўрсатиб бериш учун икки кўчат томири билан юлиб олинган.

«Мен ўзим икки кўчатни экилган ердан суғириб бердим. Кейин вице-мэр телевидение тасвирга олаётган вақтда кўчатни қайта экди. Энди бир соатнинг ичида кўчат ҳеч нарса бўлмайди. Лекин эл кўрсинга қилгани мени хайрон қолдирди. Бу халқ парки, қайтадан ўн туп кўчат олиб келиб экса рахмат айтар эдим», — деб билдирди паркнинг раҳбари Сабир Маматалиев.

Вице-мэр ўзи учун олиб келинган кўчатлар қайтадан экилгани бўйича хабари йўқлигини айтди.

«Мен борган вақтда кўчатлар экиб бўлинган экан. Биз вилоят маъмуриятининг ходимлари билан икки кўчат экканмиз. Аммо улар қайдан келди, ким юлиб келгани бўйича маълумотим йўқ. Ўсиб турган кўчатни юлиб олиб қайта экадиган қадар жинни эмасман», — деб жавоб берди у.