Жалалобод вилоятининг Ноокен районида ўзини "электрик" деб таништириб, икки эркак киши бир уйга киришган. Улар уй эгасини ўйинчоқ тўппонча билан қўрқитиб, 1 млн сомини тўнаб кетишган.
Жалалобод вилояти ички ишлар бошқармасининг матбуот котиби Миктибек Турдубеков «Клооп»га билдиришича, воқеа 19-январь куни Ноокеннинг Маси қишлоғида бўлган.
20-25 ёшдаги икки фуқаро "электрик"миз деб, аёлни тўнаб кетган.
«Келинни ўйинчоқ тўппонча билан қўрқитиб, оғзини "скотч" билан ёпишган. Шундан сўнг унинг қўл-оёғини боғлаб, уйдаги сейф ва олтин буюмларини олиб кетишган», — деди Турдубеков.
Милиция сейфда 1 млн сомга яқин пул бўлганини айтди. Гумондорлар ҳозирда қидирилмоқда. Уларга қарши «Талончилик» банди бўйича жиноий иш қўзғалди.
Муаллиф: Айбике Амангелди кызы
