Бишкек марказида актёр ва рассом Суймонкул Чокморовнинг музейи очилди. Музейда унинг фильмлари, картиналари ва мусиқий асбоблари бор.
Мэриянинг маданият бошқармаси рассом ва актёр Суймонкул Чокморовнинг музей-устакасини очилиши тўғрисида 2017-йилнинг 26-майида билдирди. Музей Токтогул ва Исанов кўчаларининг кесилишида жойлашган.
Музейда рассомнинг айрим картиналари, у тасвирга олган киноленталардан кадрлар, мусиқий асбоблар, олган мукофтлари билан совғалари кўргазмага қўйилган. Чокморовнинг картиналарини Гапар Айтиев номидаги қирғиз миллий тасвирий санъат музейида ҳам кўрса бўлади.
Чокморов «Караш-караш» ва «Қизил олма» фильмларидаги асосий ролни ўйнаган актёр қатори танилиб, бироқ у машҳурликка рассом қатори эришган.
Чокморов Чон-Таш қишлоғида 1939-йили туғилган. Болалигида кўп касал бўлиб, вақтини кўпини тўшакда ўтказиб, расм чизган. Соғайгандан кейин у рассомчилик билан жиддий шуғуллана бошлаган.
Тасвирий санъат академиясини Ленинградда тугатган, 1964-йилдан бошлаб 1967-йилгача Фрунзе тасвирий санъат ўқув юртида расмдан дарс берган. Унинг ўқувчилари орасида биринчи қирғиз сомининг дизайнини ясаган Дмитрий Лысогоров ҳам бор.
Чокморов 400дан ортиқ расм чизган, уларнинг кўпчилиги — пейзажлар, натюрмортлар ва портретлар. Айрим расмлари ҳозирги кунгача Қирғиз миллий бадиий санъат музейида сақланади.
60-йиллари рассом Чокморовни режиссёр Болот Шамшиев қозоқ ёзувчиси Мухтар Ауэзовнинг «Караш-караш» повести асосида тасвирга олинган фильмда Бахтигул ролининг ижросига чақирган. Шундай қилиб Чокморов кино дунёсига кириб келган.
Чокморов 20га яқин фильмда роль ижро этган — унинг ичида Айматов ижоди асосида тасвирга олинган «Жамила», «Қизил олма» ва «Эрта қайтган турналар» бор.
Актёр ва рассом 1992-йилининг 26-сентябрида вафот этган. Унинг жасади Ала-Арча қабристонига дафн қилинган.
Муаллиф: Метин Жумагулов
Сурат: Султан Досалиев
